جو بھی منگتے شہ کونین کے در جاتے ہیں
بھر کے دامن میں وہ بخشش کے گوہر جاتے ہیں
Jo bhi mangte shah konain ke dar jate hain
Bhar ke daman mein wo bakhshish ke gohar jate hain
گھر کے آ جاتی ہیں رحمت کی گھٹائیں ہر سو
جب بھی سجدوں میں ترے گیسو بکھر جاتے ہیں
Ghar ke aa jati hain rehmat ki ghataen har su
Jab bhi sajdon mein tere gesu bikhar jate hain
وجہ تسکین دو عالم ہے سکون جاں ہے
ذکر سے ان کے مقدر بھی سنور جاتے ہیں
Wajah taskeen do alam hai sukoon jaan hai
Zikr se un ke muqaddar bhi sanwar jate hain
کوچہ عشق میں کچھ سوچ سمجھ کر جانا
مال وزر چیز ہی کیا ہے یہاں سر جاتے ہیں
Koocha ishq mein kuch soch samajh kar jana
Maal o zar cheez hi kya hai yahan sar jate hain
تیری محفل میں بصد عشق نہ آنے والے
جس طرح آتے ہیں وہ ویسے ہی گھر جاتے ہیں
Teri mehfil mein basad ishq na aane wale
Jis tarah aate hain wo waise hi ghar jate hain
آج بھی لوگ ترے نام پر ہوتے ہیں فدا
آج بھی لوگ ترے نام پر مر جاتے ہیں
Aaj bhi log tere naam par hote hain fida
Aaj bhi log tere naam par mar jate hain
لوگ راہوں میں بچھا دیتے ہیں آنکھیں اپنی
مرے محبوب کے دیوانے جدھر جاتے ہیں
Log raho mein bicha dete hain aankhen apni
Mere mehboob ke deewane jidhar jate hain
ہم جو لیتے ہیں ترا نام مدینے والے
اشک غم چشم محبت میں نکھر جاتے ہیں
Hum jo lete hain tera naam Madine wale
Ashk gham chashm mohabbat mein nikhar jate hain
عشق میں ڈوب کے پڑھتا ہے نیازی جب بھی
نعت کے شعر ہراک دل میں اتر جاتے ہیں
Ishq mein doob ke padhta hai Niazi jab bhi
Naat ke she'r har ek dil mein utar jate hain
Share This Naat
Share with friends and family
جو بھی منگتے شہ کونین کے در جاتے ہیں
عبدالستار نیازی