ہے کائنات کے خالق کا نام وردِ زباں
میں ایک ذرّہ نہیں وقفِ ثناء سارا جہاں
Hai kainat ke Khaliq ka naam ward-e-zubaan
Main aik zarra nahin waqf-e-sanaa saara jahan
جبینِ عجز کے سجدے ہیں جلوہ گاہ تری
ہر ایک اشکِ ندامت میں پایا تیرا نشاں
Jabeen-e-ajz ke sajday hain jalwa gaah teri
Har aik ashq-e-nadamat main paaya tera nishaan
ترے کرم نے جہانوں کو گھیر رکھا ہے
مگر حقیقتِ رحمت نہیں کسی پہ عیاں
Tere karam ne jahanon ko gher rakha hai
Magar haqeeqat-e-rahmat nahin kisi pe ayaan
تمہارے نام پہ قرباں تمام ارض و سما
نبی رسول فرشتے فدا ہیں کون ومکاں
Tumhare naam pe qurban tamaam arz o sama
Nabi Rasool farishte fada hain kaun o makaan
یہی دلیل ہے کافی کہ تو ہے ربِ رسولؐ
سمائے عقلِ بشر میں نہیں ہے یہ امکاں
Yahi daleel hai kaafi ke tu hai Rab-e-Rasool (ﷺ)
Samaaye aql-e-bashar main nahin hai yeh imkaan
طلب ضروری ہے کعبے کی بات یاد رہے
مکیں وہ ایسا ہے ہر کائنات اُس کا مکاں
Talab zaroori hai kaabay ki baat yaad rahe
Makin wo aisa hai har kainat us ka makaan
رہوں میں توبہ پہ قائم سپردِ نفس نہ کر
الٰہی عجز میں لپٹی رہے ہمیشہ فغاں
Rahoon main tauba pe qaem supurd-e-nafs na kar
Ilahi ajz main lipti rahe hamesha fighaan
فقط ہے بندہ نوازی جو توُ قبول کرے
تمہاری شان کے لائق کہاں کسی کا بیاں
Fqait hai banda nawazai jo tu qabool kare
Tumhari shaan ke laayak kahan kisi ka bayaan
شکیلؔ جب کبھی حالات سے پریشاں ہو
تمہارا ذکر ہی مولا ہو اس کی جائے اماں
Shakeel jab kabhi halaat se pareshan ho
Tumhara zikr hi Maula ho is ki jay-e-amaan
Share This Naat
Share with friends and family
ہے کائنات کے خالق کا نام وردِ زباں
محمد شکیل نقشبندی