الفت نبی کی روح میں اپنی رچا کے دیکھ
دل کو جمالِ یار کا شیشہ بنا کے دیکھ
Ulfat Nabee ki rooh mein apni racha ke dekh
Dil ko jamal-e-yaar ka sheesha bana ke dekh
احساس تجھے دیدِ خدا کا نہ ہو تو کہہ
سرکار کے خیال کو دل میں جما کے دیکھ
Ehsaas tujhe deed-e-Khuda ka na ho to keh
Sarkar ke khayaal ko dil mein jama ke dekh
ہر گام پر ہے نور کا ڈیرا لگا ہوا
جنت جو دیکھنا ہو مدینہ میں آکے دیکھ
Har gaam par hai noor ka deera laga hua
Jannat jo dekhna ho Madina mein aake dekh
چشمانِ قلب جلوہء محبوب پر رہیں
روضہ کی جالیوں کو نگاہیں جھکا کے دیکھ
Chashman-e-qalb jalwa-e-mehboob par rahein
Rouda ki jaaliyon ko nigahen jhuka ke dekh
دنیا میں ہر قدم پہ ہیں خالق کی نعمتیں
ایمان کی نظر سے کرشمے خدا کے دیکھ
Duniya mein har qadam pe hain Khaliq ki naimatein
Emaan ki nazar se krishme Khuda ke dekh
ہر طاق میں جلیں گے تری یاد کے چراغ
مستی میں عشق کی ذرا خود کو بھلا کے دیکھ
Har taaq mein jalen ge teri yaad ke chiraagh
Masti mein ishq ki zara khud ko bhula ke dekh
ماضی کی عظمتیں تجھے پھر ہوں گی دستیاب
قرآن کے اصول ذرا آزما کے دیکھ
Maazi ki azmaten tujhe phir hon gi dastiyab
Quraan ke usool zara aazma ke dekh
آقا کی بارگاہ سے کیا کیا نہ ملے گا
نظمی تو اپنی جھولی تو آگے بڑھا کے دیکھ
Aaqa ki baargah se kya kya na mile ga
Nazmi tu apni jholi tu aage barha ke dekh
Share This Naat
Share with friends and family
الفت نبی کی روح میں اپنی رچا کے دیکھ
سید آل رسول حسنین میاں برکاتی نظمی