یہ مری حدِ سفر ہو جیسے
رو برو آپ کا در ہو جیسے
Ye meri hadd-e-safar ho jaise
Ro baru aap ka dar ho jaise
میں زمیں پر ہوں دماغ عرش پہ ہے
ان کی دہلیز پہ سر ہو جیسے
Main zameen par hoon damaagh arsh pe hai
Un ki dehleez pe sar ho jaise
جگمگا تا ہے کچھ اس طرح شور
آپ کی راہ گزر ہو جیسے
Jagmaga ta hai kuch is tarah shor
Aap ki raah guzar ho jaise
ان کی نعلین کے ذرے خورشید
کہکشاں گردِ سفر ہو جیسے
Un ki na'alain ke zarray khursheed
Kehkashan gard-e-safar ho jaise
یوں سرِ راہ لگی ہیں آنکھیں
ان کے آنے کی خبر ہو جیسے
Yun sar-e-raah lagi hain aankhen
Un ke aane ki khabar ho jaise
کیف افروز ہے یوں شغلِ درود
رات طیبہ میں بسر ہو جیسے
Kaif afrooz hai yun shugl-e-darood
Raat tayyiba mein basar ho jaise
یوں ہر اک شے کی حقیقت ہیں حضورؐ
آنکھ میں نورِ نظر ہو جیسے
Yun har ek shay ki haqeeqat hain Huzoor
Aankh mein noor-e-nazar ho jaise
یوں ہر اک سانس سے پیغام ِ سکوں
التجاؤں کا ثمر ہو جیسے
Yun har ek saans se paighaam-e-sukoon
Iltijaon ka samar ho jaise
ان کے دیوانے کا اللہ دے فیض
کوئی پھلدار شجر ہو جیسے
Un ke deewane ka Allah de faiz
Koi phaldar shajar ho jaise
ان کی دن رات زیارت کرنا
یوں ہے معراجِ بشر ہو جیسے
Un ki din raat ziarat karna
Yun hai meraaj-e-bashar ho jaise
اس طرح یاد تمہاری آئی
کوئی پر نور سحر ہو جیسے
Is tarah yaad tumhari aayi
Koi par noor seher ho jaise
نعت یوں وجہِ سکوں ہے خالدؔ
نعت ہی زادِ سفر ہو جیسے
Naat yun wajah-e-sukoon hai Khalid
Naat hi zaad-e-safar ho jaise
Share This Naat
Share with friends and family
یہ مری حدِ سفر ہو جیسے
خالد محمود خالد