زہے شرف، مہربان ہیں کس قدر مِرے حال پر محمد ﷺ
لٹائیں اشرفیاں رحمتوں کی غریب اعمال پر محمد ﷺ
Zahe sharf, meharban hain kis qadr mire hal par Muhammad ﷺ
Lutain ashrafiyan rehmaton ki ghareeb aamaal par Muhammad ﷺ
کبھی یہاں کی کبھی وہاں کی کریں صدارت وہ دو جہاں کی
دکھائی دیتے ہیں فرش و عرش بریں کے پنڈال پر محمد ﷺ
Kabhi yahan ki kabhi wahan ki karain sadarhat woh do jahan ki
Dikhai detay hain farsh o arsh bareen ke pindal par Muhammad ﷺ
ہوائیں اُس سے لپٹ کے جھومیں بلندیاں اُس کے پاؤں چومیں
جو اِک اچٹتی نگاہ ڈالیں کسی کے اقبال پر محمد ﷺ
Hawain us se lipat ke jhoomen bulandiyan us ke paon choomen
Jo ik achatti nigah dalain kisi ke iqbal par Muhammad ﷺ
لہو بدن کا گرے زمین پر شکن نہ آئے مگر جبیں پر
غنیم جاں کے بھی دار روکیں دعاؤں کی ڈھال پر محمد ﷺ
Lahoo badan ka gare zameen par shikan na aaye magar jabeen par
Ghanim jaan ke bhi dar rokein duain ki dhal par Muhammad ﷺ
نظر جمالِ حضور دیکھے تو ایک انبوہِ نور دیکھے
نثار ہر ایک آئنہ آپ کے خدو خال پر محمد ﷺ
Nazar jamal e huzoor dekhe to ek anboh e noor dekhe
Nisar har aik aaina aap ke khad o khaal par Muhammad ﷺ
ہوئے جو معراج کو روانہ تو رُک گئی گردشِ زمانہ
کسے خبر ثابہ کے رہے مرکب مہ و سال پر محمد ﷺ
Huwe jo meraaj ko rawana to ruk gayi gardish e zamana
Kise khabar sabah ke rahe markab mah o saal par Muhammad ﷺ
کروں جو روضے کی خاکروبی تو رنگ لائے یہ کارِ چوبی
ازل کے دن سے کڑھا ہوا ہے حیات کی شال پر محمد ﷺ
Karoon jo rozae ki khakroobi to rang laye ye kar e choobi
Azal ke din se kadha hua hai hayat ki shaal par Muhammad ﷺ
نہ اِس جہاں کو جواب دوں گا نہ اُس جہاں میں حساب دوں گا
کہ خود کو میں خرچ کر رہا ہوں تمھارے اقوال پر محمد ﷺ
Na is jahan ko jawab doonga na us jahan mein hisaab doonga
Ke khud ko mein kharch kar raha hoon tumhare aqwal par Muhammad ﷺ
عجیب سی پُر سکون لہریں وجود کے ساحلوں پہ ٹہریں
درود بھیجوں جو آپ پر اور آپ کی آل پر محمد ﷺ
Ajeeb si pur sukoon lahrein wajood ke saahiloon pe thehrain
Darood bhejoon jo aap par aur aap ki aal par Muhammad ﷺ
ملائیکہ بھی مجھے مظفر پکار اٹھیں گے رئیس محشر
کریں گے جس وقت اپنا سایہ مجھ ایسے کنگال پر محمد ﷺ
Malaikah bhi mujhe Muzaffar pukar uthain ge raees e mahshar
Karein ge jis waqt apna saaya mujh aisay kangal par Muhammad ﷺ
Share This Naat
Share with friends and family
زہے شرف، مہربان ہیں کس قدر مِرے حال پر محمد ﷺ
مظفر وارثی