فلسفی! تجھ کو عبث دُھن ہے اُسے پانے کی
ہو چکا جب کہ تری عقل کا سُلطاں، معزول
Falsafi! Tujh ko abas dhun hai usay panay ki
Ho chuka jab ke teri aql ka sultan, mazool
دیدۂ عقل سے دیکھ اُس کو نہ مردِ ناداں!
کہ دلائل سے الجھنا ہے خِرد کا معمول
Deedah-e-aql se dekh us ko na mard-e-nadan!
Ke dalail se ulajhna hai khird ka mamool
عقل تو اپنی حقیقت سے بھی ناواقف ہے
کیا سمجھ پائے اُسے، جو کہ ہے مافوقِ عقول
Aql to apni haqeeqat se bhi nawakif hai
Kya samajh paye usay, jo ke hai mafooq-e-aqool
داعیٔ مشربِ توحید ذرا غور سے سُن
شاید آجائے تجھے راس یہ حرفِ معقول
Dai'e mashrab-e-tauheed zara ghor se sun
Shayad aa jaye tujhe raas ye harf-e-maqool
صرف توحید کا شیطان بھی قائل ہے، مگر
شرطِ ایماں ہے محمدؐ کی اطاعت، یہ نہ بھُول
Sirf tauheed ka shaitaan bhi qa'il hai, magar
Shart-e-eeman hai Muhammad (S.A.W) ki itaat, ye na bhool
امرِ لازم ہے یہ ہر مردِ مسلماں کے لیے
عزّتِ آلؓ نبی ؐ، حُرمتِ اَتباعِ رسوؐل
Amr-e-lazim hai ye har mard-e-musliman ke liye
Izzat-e-Aal (R.A), Hurmat-e-atbaa-e-rasool (S.A.W)
صاف باطن ہے تو بھیج اُن پہ دُرود اور سلام
ورنہ میں چھیڑوں گا پھر ذکرِ اُبِّی ابنِ سُلول
Saaf baatin hai to bhej un pe durood aur salaam
Warna main chhairun ga phir zikr-e-ubi ibn-e-sulool
گرمئی عشقِ بلالِ ؓ حَبَشی پیدا کر
کہ بنے سینہ ترا مہبط انوارِ رسوؐل
Garmi-e-ishq-e-bilal-e-habshi (R.A) paida kar
Ke bane seena tera mahabat anwaar-e-rasool (S.A.W)
Share This Naat
Share with friends and family
فلسفی! تجھ کو عبث دُھن ہے اُسے پانے کی
سید نصیرالدیں نصیر