درِ مصطفیٰؐ کا گدا ہوں میں، درِ مصطفیٰؐ پہ صدا کروں
شب و روز شام و سحر سدا، در ِمصطفیٰؐ کی دُعا کروں
Dar-e-Mustafaﷺ ka gada hoon main, dar-e-Mustafaﷺ pe sada karun
Shab o roz shaam o seher sada, dar-e-Mustafaﷺ ki dua karun
مرے آنسؤوں میں چھپے ہوئے ہیں سجود کب سے رُکے ہوئے
مجھے حکم دو دمِ حاضری ترےؐ سنگِ در پہ ادا کروں
Mere aansuon mein chhupay huay hain sujood kab se rukay huay
Mujhe hukum do dam-e-hazri tereﷺ sang-e-dar pe ada karun
یہ جو درد ہے ترےؐ ہجر کا کڑا امتحاں مرے صبر کا
یہی درد ہے مری زندگی اسے کیسے دل سے جدا کروں
Yeh jo dard hai tereﷺ hijr ka kara imtihan mere sabr ka
Yehi dard hai meri zindagi ise kaise dil se juda karun
مرے چارہ گر، مرے راز داں، مرے رنج و غم کی کہانیاں
مجھے یہ گوارا نہیں کہ میں کسی دوسرے سے کہا کروں
Mere charah gar, mere raaz daan, mere ranj o gham ki kahaniyan
Mujhe yeh gawara nahi ke main kisi doosray se kaha karun
تیریؐ یاد ہو مری ہمنشیں رگِ جان میں رہے جا گزیں
جو بچی ہیں ساعتیں عمر کی، تریؐ یاد ہی میں رہا کروں
Teriﷺ yaad ho meri hamnasheen rag-e-jaan mein rahe ja guzeen
Jo bachi hain saaten umar ki, teriﷺ yaad hi mein raha karun
درِ مصطفیٰؐ کا گدا ہوں میں درِ مصطفیٰؐ پہ پڑا ہوں میں
مجھے مل رہا ہے بنا طلب ، مجھے کیا پڑی کہ صدا کروں
Dar-e-Mustafaﷺ ka gada hoon main dar-e-Mustafaﷺ pe para hoon main
Mujhe mil raha hai bina talab, mujhe kya pari ke sada karun
Share This Naat
Share with friends and family
درِ مصطفیٰؐ کا گدا ہوں میں
اشفاق احمد غوری