وہ نکلا جس گھڑی غارِ حرا سے
چمک اُٹھا جہاں اُسکی ضیا سے
Woh nikla jis ghadi Ghaar-e-Hira se
Chamak utha jahan uski ziya se
نہ پوچھو طلعتِ روئے منور
جہاں میں روشنی ہے نقشِ پا سے
Na pucho tal'at-e-ru'e munawwar
Jahan mein roshni hai naqsh-e-paa se
ملے گی ہر اذیت سے رہائی
کوئی سیکھے ازل کے رہنما سے
Mile gi har aziyat se rehayi
Koi seekhe azal ke rehnuma se
تری گفتار پُر تاثیر ہوگی
اگر آغاز ہو صلے علیٰ سے
Teri guftaar pur asar hogi
Agar aaghaz ho sale ala se
محبت ہے اگر محبوبِ رب سے
تو پھر بچ جائو گے رب کی سزا سے
Mohabbat hai agar mahboob-e-Rab se
To phir bach jao ge Rab ki saza se
ہے عزت رب کے ہاں ذکرِ نبیؐ سے
ملے کیا خاک لوگوں کی ثنا سے
Hai izzat Rab ke han zikr-e-Nabi (PBUH) se
Mile kya khaak logon ki sana se
سبھی شاہوں کو میرا مشورہ ہے
نہ ٹکرانا کبھی اُنکے گدا سے
Sabhi shahoon ko mera mashwara hai
Na takrana kabhi unke gada se
ترے عشاق نے تو جب بھی مانگا
تری چاہت ہی مانگی ہے خدا سے
Tere aashiq ne to jab bhi manga
Teri chahat hi maangi hai Khuda se
کوئی پوچھے کہاں سے نعت سیکھوں
تو کہنا سیّدی احمد رضاؒ سے
Koi puche kahan se naat seekhoon
To kehna Syedi Ahmad Raza (RA) se
شکیلؔ اِک ذرہِ بے آبرو تھا
بھرا کاسہ ہے اب اُنکی عطا سے
Shakeel ek zarra-e-be aabroo tha
Bhara kasa hai ab unki ata se
Share This Naat
Share with friends and family
وہ نکلا جس گھڑی غارِ حرا سے
محمد شکیل نقشبندی