مہبطِ نور میں ہے نور سے ڈھالی جالی
دونوں عالم میں نہیں ایسی مثالی جالی
Mahbat-e-noor mein hai noor se dhali jali
Dono aalam mein nahi aisi misaali jali
ہم کہاں دیدِ شہِ کون و مکاں کے قابل
ہم نے پلکوں کے کناروں پہ سجالی جالی
Hum kahan deed-e-sheh-e-koun o makaan ke qabil
Hum ne palkon ke kin aaron pe sajali jali
جب سے دیکھا ہے کرم بار سنہری منظر
دھڑکنیں ورد کئے جاتی ہیں جالی جالی
Jab se dekha hai karam bar sunehri manzar
Dhadkanen wird kiye jati hain jali jali
قلبِ مغمُوم کو مسرُور کیا ٹھنڈک نے
میں نے جب خواب میں سینے سے لگالی جالی
Qalb-e-magmoom ko masroor kiya thandak ne
Mein ne jab khwab mein seene se lagali jali
باعثِ راحت و تسکیں ہے مواجہ کی چمک
شاہ کی قربتِ پیہم سے ہے عالی جالی
Bais-e-raahat o taskeen hai muwajeh ki chamak
Shah ki qurbat-e-peham se hai aali jali
روزِ محشر مرے اشکوں کی گواہی دے گی
میری آنکھوں کا وضو دیکھنے والی جالی
Roz-e-mahshar mere ashkon ki gawahi de gi
Meri aankhon ka wuzu dekhne wali jali
میں ہوں اشفاق اِدھر قاسمِ نعمت ہیں اُدھر
درمیاں شاہدِ کشکولِ سوالی جالی
Mein hun Ashfaq idhar qasim-e-nemat hain udhar
Darmiyan shahid-e-kashkol-e-sawaali jali
Share This Naat
Share with friends and family
مہبطِ نور میں ہے نور سے ڈھالی جالی
اشفاق احمد غوری