نبی کے ذکر کی محفل سجائے بیٹھے ہیں
دروُد پاک کی شمعیں جلائے بیٹھے ہیں
Nabi ke zikr ki mehfil sajae baithe hain
Durood Pak ki shamain jalae baithe hain
تمام عُمر کا حاصل ہیں یہ حسیں گھڑیاں
درِ حضوُر پہ ڈیرہ جمائے بیٹھے ہیں
Tamam umr ka hasil hain ye haseen gharian
Dar-e-huzoor pe dera jamae baithe hain
خوشا کہ گنبدِ خضرا نظر کے سامنے ہے
اسی کے نقش کو دل میں بسائے بیٹھے ہیں
Khusha ke gumbad-e-khazra nazar ke samne hai
Isi ke naqsh ko dil mein basaee baithe hain
کبھی تو لائیں گے تشریف سیدِعالم
ہم اُن کی راہ میں پلکیں بچھائے بیٹھے ہیں
Kabhi to laeinge tashreef syed-e-aalam
Hum un ki raah mein palken bichhae baithe hain
بسی ہے نامِ محمد کی مہک سانسوں میں
انہی کی یاد کو دل سے لگائے بیٹھے ہیں
Basi hai naam-e-Muhammad ki mehek saanson mein
Inhi ki yaad ko dil se lagae baithe hain
حروف نعت، تخیل کا اب طواف کریں
’’سو اپنے قلب کو کعبہ بنائے بیٹھے ہیں‘‘
Huroof-e-naat, takhayyun ka ab tawaf karen
‘‘So apne qalb ko kaaba banae baithe hain’’
اے ناز اُن کی شفاعت کریں گے شاہِ اُمم
جو بوجھ عصیاں کا بھاری اُٹھائے بیٹھے ہیں
Ae Naaz un ki shafaat karenge Shah-e-ummam
Jo bojh isyan ka bhaari uthae baithe hain
Share This Naat
Share with friends and family
نبی کے ذکر کی محفل سجائے بیٹھے ہیں
صفیہ ناز