راستے بھول گئے بانگِ درا بھول گئے
قافلے مشورہ ء راہنما بھول گئے
Raste bhool gaye bang-e dara bhool gaye
Qafle mashwara-e raahnuma bhool gaye
ایسے نادان مُسافر کہیں دیکھے نہ سنے
اپنی سمجھی ہوئی منزل کا پتہ بھول گئے
Aise nadan musafir kahin dekhe na sune
Apni samjhi hui manzil ka pata bhool gaye
داعئ حقﷺ کو یہ شکوہ ہے حرم والوں سے
جاں نثارانِ وفا عہدِ وفا بھول گئے
Daayi haqﷺ ko ye shikwa hai haram walon se
Jaan nisarane wafa ehde wafa bhool gaye
ہم یہ کہتے ہیں کہ بندے ہیں خدا کے‘ لیکن
کیا ہے فرمودہء محبوبِ خدا بھول گئے
Hum ye kehte hain ke bande hain khuda ke, lekin
Kya hai farmudah-e mehboob-e khuda bhool gaye
عیشِ دوراں نے کیا ہم کو خدا سے غافل
کیا ہے اس جرمِ تغافل کی سزا بھول گئے
Aish-e dauraan ne kya hum ko khuda se ghafil
Kya hai is jurm-e taghafil ki saza bhool gaye
اپنی تقدیر کو الزام دیئے جاتے ہیں
اور اس فکر میں ہم اپنی خطا بھول گئے
Apni taqdeer ko ilzaam diye jate hain
Aur is fikr mein hum apni khata bhool gaye
ایسے کھو گئے ہم حرص و ہوا میں اقبؔال
مسلک و شیوہء تسلیم و رضا بھول گئے
Aise kho gaye hum hirs o hawa mein Iqbal
Maslak o shewa-e tasleem o raza bhool gaye
Share This Naat
Share with friends and family
راستے بھول گئے بانگِ درا بھول گئے
پروفیسراقبال عظیم