تنویرِ شش جہات ہے روپوشِ نقش پا
کنزِ جمالیات ہے روپوشِ نقشِ پا
Tanveer-e-shash jahat hai roposh-e-naqsh-e-pa
Kanz-e-jamaliyat hai roposh-e-naqsh-e-pa
بہرِ شفائے ہر مَرضِ ظاہر و خفی
ترکیبِ اَدویات ہے روپوش نقش پا
Behar-e-shafa-e-har marz-e-zahir o khafi
Tarkeeb-e-adviyat hai roposh naqsh-e-pa
تصدیق کو بچا لیا دامانِ نَعل نے
خیلِ تصورات ہے روپوشِ نقشِ پا
Tasdiq ko bacha liya daman-e-nal ne
Khel-e-tasawurat hai roposh-e-naqsh-e-pa
سَر میں ہے سِرِّ ممتنع و واجب الوجود
تشریحِ ممکنات ہے روپوشِ نقشِ پا
Sar mein hai sirr-e-mumtaneh-o-wajib ul-wajood
Tashreeh-e-mumkinaat hai roposh-e-naqsh-e-pa
خوشبوئے رہگزر میں ہے گُم عقلِ مشک و گُل
رنگوں کی کائنات ہے روپوشِ نقش پا
Khushboo-e-rahguzar mein hai gum aql-e-mushk o gul
Rangon ki kainaat hai roposh-e-naqsh-e-pa
موسائے دل کی حدِّ طلب خاکِ رہگزر
برقِ تجلیات ہے روپوشِ نقشِ پا
Mosa-e-dil ki hadd-e-talab khaak-e-rahguzar
Barq-e-tajalliyat hai roposh-e-naqsh-e-pa
غازہ رخِ جمال کو ذرّاتِ نعل ہیں
یوسف کی التفات ہے روپوشِ نقشِ پا
Ghaza rukh-e-jamal ko zarrat-e-nal hain
Yusuf ki iltifaat hai roposh-e-naqsh-e-pa
مخفیِٔ نعلِ شاہ نِہایاتِ مجد و فوز
اوجِ ترفّعات ہے روپوشِ نقشِ پا
Makhfi-e-nal-e-shah nihayat-e-majd o foz
Ouj-e-taraf'at hai roposh-e-naqsh-e-pa
بجھ جائے کیوں نہ کوثر و تسنیم کی عَطَش
بحرِ نوازشات ہے روپوشِ نقشِ پا
Bujh jaye kyun na kausar o tasneem ki atash
Bahr-e-nawazishat hai roposh-e-naqsh-e-pa
پتّھر قدم کو چومے تو دائم نشاں رہے
کیا قدرتِ ثبات ہے روپوشِ نقشِ پا
Patthar qadam ko choome to daim nishan rahe
Kya qudrat-e-sabat hai roposh-e-naqsh-e-pa
وصفِ رخِ رسول معظم میں کیا لکھوں
خامہ ہے گم، دوات ہے روپوشِ نقشِ پا
Wasaafe rukh-e-rasool moazzam mein kya likhun
Khaama hai gum, dawath hai roposh-e-naqsh-e-pa
Share This Naat
Share with friends and family
تنویرِ شش جہات ہے روپوشِ نقش پا
معظم سدا معظم مدنی