مُبَارَک ہو حبیبِ ربِّ اَکبر آنے والا ہے
مبارَک! انبیا کا آج اَفسر آنے والا ہے
Mubarak ho Habeeb-e-Rab-e-Akbar aane wala hai
Mubarak! Anbiya ka aaj afsar aane wala hai
اندھیروں میں بھٹکتے پھرنے والوں کو مبارَک ہو
تمہیں حق سے ملانے آج رہبر آنے والا ہے
Andheron mein bhatkty phirne walon ko mubarak ho
Tumhe haq se milane aaj rehbar aane wala hai
مبارَک بدنصیبوں کو مبارَک ہو غریبوں کو
جہاں میں بے بسوں کا سایہ گُستر آنے والا ہے
Mubarak badnaseebon ko mubarak ho ghareebon ko
Jahan mein be baso ka saaya gustar aane wala hai
گنہگارو نہ گھبراؤ سِیَہ کارو نہ غم کھاؤ
سنو مُژدہ شَفِیْعِ روزِ محشر آنے والا ہے
Gunehgaaro na ghabraao siyah kaaro na gham khao
Suno mujda Shafee roz-e-mahshar aane wala hai
لئے پرچم اُتر آئے ہیں جبریل آسماں سے آج
جہاں میں آج مولیٰ کا پیمبر آنے والا ہے
Liye parcham utar aaye hain Jibreel aasmaan se aaj
Jahan mein aaj Maula ka paighambar aane wala hai
کرو گھر گھر چَراغاں سبز پرچم آج لہراؤ
مچاؤ مرحبا کی دُھوم سرور آنے والا ہے
Karo ghar ghar charaghan sabz parcham aaj lehraao
Machaao marhaba ki dhoom Sarwar aane wala hai
اگر نہ آج جھومو گے تو کب جُھومو گے دیوانو!
مچل جاؤ تمہارا آج یاوَر آنے والا ہے
Agar na aaj jhoomo ge to kab jhoomo ge deewano!
Machal jaao tumhara aaj yaavar aane wala hai
تَراوَت کیوں نہ ہو حاصل مرے قلب و جِگر کو آج
جہاں میں بَحرِ رَحمت کا شِناوَر آنے والا ہے
Taraawat kyon na ho haasil mere qalb o jigar ko aaj
Jahan mein bahr-e-rahmat ka shinawar aane wala hai
دلِ غمگین کو مل جائے گا سامان راحت کا
سُرورِ دل، قرارِ جانِ مُضطَر آنے والا ہے
Dil-e-ghamgeen ko mil jaaye ga saamaan-e-raahat ka
Suroor-e-dil, qarar-e-jaan-e-muztar aane wala hai
جو ہے سردار، عالَم کے سبھی سجدہ گزاروں کا
خدا کا آج وہ سچّا ثناگر آنے والا ہے
Jo hai sardar, aalam ke sabhi sajda guzaaron ka
Khuda ka aaj wo sach'a sanagar aane wala hai
مبارَک غم کے مارو! غم غَلَط ہوجائیں گے سارے
حبیبِ حق مُداوا غم کا لے کر آنے والا ہے
Mubarak gham ke maaro! gham ghalat ho jaenge saare
Habeeb-e-haq mudawa gham ka le kar aane wala hai
جہاں میں ظُلمتوں کا چاک ہو گاآج سے سینہ
خدا کے فضل سے ماہِ مُنَوَّر آنے والا ہے
Jahan mein zulmaton ka chaak ho ga aaj se seenah
Khuda ke fazl se mah-e-munawwar aane wala hai
بِحَمْدِاللہ ایماں اب توُ میرا لے نہیں سکتا
ارے چل بھاگ شیطاں میرا یاوَر آنیوالا ہے
Bi-hamd-Allah eemaan ab tu mera le nahi sakta
Aray chal bhaag Shetaaan mera yaawar aane wala hai
خبر ہے اَبرِ رحمت آج کیوں دنیا پہ چھائے ہیں
جہاں میں رَحمتوں کا آج پیکر آنے والا ہے
Khabar hai abr-e-rahmat aaj kyon duniya pe chhaye hain
Jahan mein rahmaton ka aaj paiker aane wala hai
مبارَک ہو حلیمہ سعدیہ تجھ کو مبارَک ہو
تری گودی میں کُل عالَم کا سرور آنے والا ہے
Mubarak ho Haleema Saadiya tuj ko mubarak ho
Teri godi mein kul aalam ka Suroor aane wala hai
اُٹھو تعظیم کی خاطِر کہ گھر میں آمِنہ کے اب
وِلادت کا وہ لمحہ کیف آور آنے والا ہے
Utho ta'zeem ki khaatir ke ghar mein Aamina ke ab
Wiladat ka wo lamha kaif-aawar aane wala hai
اٹھاؤ سبز پرچم اور چلو سب آمِنہ کے گھر
لٹانے رحمتیں حق کا پَیَمبرآنے والا ہے
Utaao sabz parcham aur chalo sab Aamina ke ghar
Lutane rahmatein Haq ka paighambar aane wala hai
تسلّی تو رکھو سیراب بھی ہوجاؤ گے عطّارؔ
چھلکتا جام لے کر شاہِ کوثر آنے والا ہے
Tasalli to rakho seraab bhi ho jaoge 'Attar
Chhalakta jaam le kar Shah-e-Kauthar aane wala hai
Share This Naat
Share with friends and family
مُبَارَک ہو حبیبِ ربِّ اَکبر آنے والا ہے
الیاس عطار قادری