قدموں سے پھُوٹتی ہے چمک ماہتاب کی
دہلیز پر کھڑا ہُوں رسالت مآب کی
Qadmon se phootti hai chamak mahtaab ki
Dehleez par khara hoon Risaalat maab ki
ہے چہرۂ رسُول نگاہوں کے سامنے
تفسیر پڑھ رہا ہُوں مَیں اُمّ الکِتاب کی
Hai chehra-e-Rasool nigahon ke samne
Tafseer parh raha hoon main Umm ul-Kitaab ki
اُس والیِ بہار کا دامن ہے ہاتھ میں
مٹّی ہے جس کے سامنے خُوشُبو گُلاب کی
Us wali-e-bahaar ka daaman hai haath mein
Mitti hai jis ke samne khushbu gulaab ki
مُجھ بے نوا فقیر کی آنکھیں سوال ہیں
خیرات مانگتی ہے سماعت جواب کی
Mujh be nava faqeer ki aankhen sawal hain
Khairaat maangti hai sama'at jawab ki
گھر جس کو پانیوں پہ بنانے سکھائے تھے
رُلتی ہے ساحلوں پہ وُہ اُمّت جناب کی
Ghar jis ko paaniyon pe banane sikhaye the
Rul'ti hai saahiloon pe woh Ummat janaab ki
روضے کی جالیوں سے جکڑ دیجئے مجھے
زنجیر کاٹ دیجے مِرے اضطراب کی
Roze ki jaalion se jakar deejiye mujhe
Zanjeer kaat deeje mere iztiraab ki
سویا ہُوا ہوں آپ کے قدموں کی خاک پر
تعبیر بھی ہو کاش یہی میرے خواب کی
Soya hua hoon aap ke qadmon ki khaak par
Tabir bhi ho kaash yahi mere khwab ki
جذبِ جمال ہو کے بھی چمکی نہیں نظر
مُجھ کو صلاحیّت ہو عطا اِکتساب کی
Jazb-e-jamaal ho ke bhi chamki nahi nazar
Mujh ko salahiyat ho ata iktisaab ki
سانسیں ہیں پُل صراط مظفّر کے واسطے
دُنیا بھی اِک مثال ہے روزِ حساب کی
Saansen hain pul sirat Muzaffar ke wastay
Duniya bhi ik misaal hai roz-e-hisaab ki
Share This Naat
Share with friends and family
قدموں سے پھُوٹتی ہے چمک ماہتاب کی
مظفر وارثی