بحرِ مدحت کا سفر شہرِ مدینہ کی طرف
’’سطرِ مدحت کا سفر شہرِ مدینہ کی طرف‘‘
Behar-e-Madahat ka safar sheher-e-Madina ki taraf
"Satr-e-Madahat ka safar sheher-e-Madina ki taraf"
اہلِ یثرب کی بڑھی پیاس جو ، مکّہ سے ہوا
ابرِ مدحت کا سفر شہرِ مدینہ کی طرف
Ahl-e-Yasrab ki barhi pyaas jo, Makkah se huwa
Abr-e-Madahat ka safar sheher-e-Madina ki taraf
مرے وجدان میں ، ادراک میں ہے انؐ کی ثنا
فکرِ مدحت کا سفر شہرِ مدینہ کی طرف
Mere wajdaan mein, idraak mein hai unؐ ki sana
Fikr-e-Madahat ka safar sheher-e-Madina ki taraf
منتقل میرے خیالات حضوری میں کرے
ذکرِ ِمدحت کا سفر شہرِ مدینہ کی طرف
Muntaqil mere khayalaat huzoori mein kare
Zikr-e-Madahat ka safar sheher-e-Madina ki taraf
اتنے وصّافِ پیمبرؐ ہیں یہاں ، جیسے ہو
شہرِ مدحت کا سفر شہرِ مدینہ کی طرف
Itne wassaf-e-Payambarؐ hain yahaan, jaise ho
Sheher-e-Madahat ka safar sheher-e-Madina ki taraf
ہجرتِ سیّدِؐ عالم کا تصوّر جیسے
مہرِ مدحت کا سفر شہرِ مدینہ کی طرف
Hijrat-e-Sayyedؐ-e-Aalam ka tasawwur jaise
Mehr-e-Madahat ka safar sheher-e-Madina ki taraf
جب بڑھے حد سے مظالم ہوا لازم طاہرؔ
بدرِ مدحت کا سفر شہرِ مدینہ کی طرف
Jab barhe had se mazalim huwa laazim Tahirؔ
Badr-e-Madahat ka safar sheher-e-Madina ki taraf
Share This Naat
Share with friends and family
بحرِ مدحت کا سفر شہرِ مدینہ کی طرف
پروفیسر محمد طاہر صدیقی