اے میریا سوہنیا محبوبا میری تقدیر سنواری جا
گھر میرے جاندا جاندا ای اک سوہنیا جھاتی ماری جا
Ae merya sohnia mahaboba meri taqdeer sawari ja
Ghar mere janda janda ae ik sohnia jhati mari ja
دیہہ خیر نشیلیاں نیناں دے مخمور پیالیاں دی ساقی
اک دے کے جام نگاہواں دا مینوں بھی چاہڑ خماری جا
Deh kher nisheeliyaan naina de makhmoor pialiyan di saaqi
Ik de ke jaam nighawaan da menu bhi chahr khumari ja
دل وچ اُڈیک تساڈی دے ہر ویلے دھڑکدا رہندا اے
مُل پے جائے اس دی دھڑکن دا نیناں دی پھیر کٹاری جا
Dil vich udaik tsade de har vele dhadakda rehnda ae
Mul pe jaye us di dhadkan da naina di pher katari ja
جے منگتیا منگن آیا ایں توں سوہنے کملی والے توں
جو منگ سکناں ایں منگی جا دامن نوں ہور کھلاری جا
Je mangtiya mangan aya ae tu sohne kamli wale tu
Jo mang sakna ae mangi ja daaman nu hor khulari ja
چھڈ کشتی سٹ پتواراں نوں بے طلب جے کنڈھا لبھن دی
ڈر لاہ کے آج طُوفاناں دا لابحرعشق وچ تاری جا
Chad kashti sat patawaran nu be talab je kandha labhan di
Dar laah ke aaj toofanan da la behr ishq vich tari ja
اے صائم مُل جے وٹناں ایں توں جاندیاں جاندیاں ساہواں دا
جا یار دے پاک دوارے تے جند واری جا ، دم ہاری جا
Ae Sa'aim mul je vatna ae tu jandiyaan jandiyaan sahwaan da
Ja yaar de paak duware te jid wari ja, dam hari ja
Share This Naat
Share with friends and family
اے میریا سوہنیا محبوبا میری تقدیر سنواری جا
علامہ صائم چشتی