دِل کسی حال میں ایسا نہیں ہونے دیتا
بے نیازِ شہِؐ بطحا نہیں ہونے دیتا
Dil kisi haal mein aisa nahi hone deta
Be naaz-e-Sheh-e-Bat'ha nahi hone deta
کرم اُن کا مجھے رُسوا نہیں ہونے دیتا
مجھ پہ غالب غمِ دنیا نہیں ہونے دیتا
Karam unka mujhe ruswa nahi hone deta
Mujh pe ghalib gham-e-duniya nahi hone deta
جو محمدؐ کے وسیلے سے ہُوا ہے حاصل
وہ تعلّق مجھے تنہا نہیں ہونے دیتا
Jo Muhammad ke waseele se huwa hai hasil
Woh taaluq mujhe tanha nahi hone deta
جس گنہگار پہ آقاؐ کی نظر ہو جائے
اُس کو خالق کبھی رُسوا نہیں ہونے دیتا
Jis gunahgaar pe Aaqa ki nazar ho jaye
Usko Khaaliq kabhi ruswa nahi hone deta
اُن کا دیوانہ ہُوں مَیں، حد سے گُزر سکتا ہُوں
یہ بجا ہے، مگر ایسا نہیں ہونے دیتا
Unka diwana hoon main, had se guzar sakta hoon
Yeh baja hai, magar aisa nahi hone deta
اُن کی نسبت کا یہ اعجاز تو دیکھے کوئی
غم، قیامت کوئی برپا نہیں ہونے دیتا
Unki nisbat ka yeh eijaaz to dekhe koi
Gham, qayamat koi barpa nahi hone deta
اے شہِؐ کون و مکاںؐ ! مَیں ترا سودائی ہُوں
عشق، اب اور کسی کا نہیں ہونے دیتا
Ae Sheh-e-Kon o Makaan! main tera sodai hoon
Ishq, ab aur kisi ka nahi hone deta
ذات لاثانی تری، اور ہیں بے مثل صفات
تیرا ہونا، کوئی تجھ سا نہیں ہونے دیتا
Zaat la-saani teri, aur hain be misl sifaat
Tera hona, koi tujh sa nahi hone deta
جذب ہوجاؤں ترے کوچے میں قطرے کی طرح
عجز میرا، مجھے دریا نہیں ہونے دیتا
Jazb ho jaoon tere kooche mein qatre ki tarah
Ajz mera, mujhe darya nahi hone deta
تجھ کو اللہ نے شہکار بنا رکّھا ہے
اب کسی اور کو تجھ سا نہیں ہونے دیتا
Tujh ko Allah ne shahkaar bana rakha hai
Ab kisi aur ko tujh sa nahi hone deta
مَیں بھی شیدا ہُوں نصیرؔ! اُس شہِ خُوباں کا، مگر
مَیں محبت کو تماشا نہیں ہونے دیتا
Main bhi sheeda hoon Nasir! us Sheh-e-Khubaan ka, magar
Main mohabbat ko tamasha nahi hone deta
Share This Naat
Share with friends and family
دِل کسی حال میں ایسا نہیں ہونے دیتا
سید نصیرالدیں نصیر