صدشکر‘ اتنا ظرف مری چشم تر میں ہے
دیکھے بغیر سارا مدینہ نظر میں ہے
Sad shukar 'itna zarf meri chashm tar mein hai
Dekhe baghair sara Madina nazar mein hai
پہلا سفر مدینے کا میں کیسے بھول جاؤں
سارا وجود میرا ابھی تک سفر میں ہے
Pehla safar Madine ka main kaise bhool jaun
Sara wajood mera abhi tak safar mein hai
لفظوں کے بس کی بات نہیں اس کا تجزیہ
کچھ ایسا کیف طیبہ کی شام و سحر میں ہے
Lafzon ke bas ki baat nahi is ka tajzia
Kuch aisa kaif Tayba ki shaam o sehar mein hai
ہے جلوہ پاش گنبدِ خضرا کچھ اس طرح
فیضانِ نور شہر کے ہر بام و دَر میں ہے
Hai jalwa paash Gumbad-e-Khazra kuch is tarah
Faizan-e-noor sheher ke har baam o dar mein hai
صدیاں ہوئیں حضورﷺ کو پردہ کئے مگر
خوشبو خرامِ پاک کی ہر رہ گزر میں ہے
Sadiyan huein Huzoorﷺ ko parda kiye magar
Khushboo khiraam-e-paak ki har rah guzar mein hai
تھوڑی سی خاک پاکِ مدینہ ہے میرے پاس
نازاں ہوں میں کہ دولت کونین گھر میں ہے
Thodi si khaak paak-e-Madina hai mere paas
Nazaan hoon main ke daulat konain ghar mein hai
کیا ہوگا وہ وقار کسی تاجدار میں
اقباؔل جو مدینے کے دریوزہ گر میں ہے
Kya hoga woh waqar kisi tajdar mein
Iqbal jo Madine ke daryooza gar mein hai
Share This Naat
Share with friends and family
صدشکر‘ اتنا ظرف مری چشم تر میں ہے
پروفیسراقبال عظیم