اَفلاک سے اُونچا ہے ایوان محمد کا
مخلوقِ الٰہی ہے سامان محمد کا
Aflaak se ooncha hai aivaan-e-Muhammad ka
Makhlooq-e-Ilahi hai saamaan-e-Muhammad ka
پاتے ہیں سبھی صدقہ اُن کے دَرِ اَقدس سے
ہر ذَرَّۂ عالم ہے مہمان محمد کا
Paate hain sabhi Sadqa un ke dar-e-aqdas se
Har zarra-e-aalam hai mehmaan-e-Muhammad ka
ہوتی ہے ہر اِک نعمت تقسیم مَدینے سے
کونین میں جاری ہے فیضان محمد کا
Hoti hai har ik naimat taqseem Madine se
Kounain mein jari hai faizaan-e-Muhammad ka
دیتے ہیں مَلک پہرہ سرکار کے رَوضے پر
جبریلِ مُعَظَّم ہے دَربان محمد کا
Dete hain malak pehra Sarkar ke rozay par
Jibrail-e-muazzam hai darban-e-Muhammad ka
عالم ہے اگر شیدا ان پر تو تعجب کیا
خود چاہنے والا ہے رحمٰن محمد کا
Aalam hai agar sheida un par to taajjub kya
Khud chahne wala hai Rahman Muhammad ka
شاہانِ جہاں کیونکر رکھیں نہ سر آنکھوں پر
فرمانِ الٰہی ہے فرمان محمد کا
Shahan-e-jahan kyun kar rakhen na sar aankho par
Farmaan-e-Ilahi hai farmaan-e-Muhammad ka
حور و مَلک و غلماں جن و بشر و حیواں
لیتے ہیں سبھی سر پر فرمان محمد کا
Hoor o malak o ghilman jin o bashar o haivan
Lete hain sabhi sar par farmaan-e-Muhammad ka
طیبہ کو جو جاتا ہے کہتے ہیں مَلک باہم
لو دیکھو وہ آتا ہے مہمان محمد کا
Taybah ko jo jaata hai kehte hain malak baham
Lo dekho wo aata hai mehmaan-e-Muhammad ka
تکلیفِ سفر سے تو دِل تنگ نہ ہو زائر
برسے گا ترے اُوپر باران محمد کا
Takleef-e-safar se to dil tang na ho zair
Barse ga tare upar baran-e-Muhammad ka
رُویا میں نہ دیکھا گر وہ چہرۂ نورانی
لے جاؤں گا دنیا سے اَرمان محمد کا
Roya mein na dekha gar wo chehra-e-noorani
Le jaon ga duniya se armaan-e-Muhammad ka
افسوس کہ اے بلبل تو نے نہ کبھی دیکھا
بے خار ُگلستاں ہے بُستان محمد کا
Afsos ke ai bulbul tu ne na kabhi dekha
Be khar gulistan hai bustaan-e-Muhammad ka
کیوں چاک ہو غم سے دِل کیوں فوجِ اَلم گھیرے
سر پر ہے غلاموں کے دامان محمد کا
Kyun chaak ho gham se dil kyun fouj-e-alam ghere
Sar par hai ghulamoon ke daaman-e-Muhammad ka
دنیا کی سبھی باتیں مٹ جائیں مرے دل سے
ہو وِردِ زباں کلمہ ہر آن محمد کا
Duniya ki sabhi baatein mit jaen mere dil se
Ho wird-e-zabaan kalma har aan-e-Muhammad ka
جب مَدْح و ثنا حق نے قرآن میں فرمائی
کیا منہ ہے جو واصف ہو انسان محمد کا
Jab madah o sana Haq ne Quran mein farmai
Kya munh hai jo wasif ho insaan-e-Muhammad ka
تقدیر جمیلؔ اپنی شاہوں سے رہے بڑھ کر
سگ اپنا بنائے گر دربان محمد کا
Taqdeer Jameel apni shahoon se rahe barhkar
Sag apna banaye gar darban-e-Muhammad ka
Share This Naat
Share with friends and family
اَفلاک سے اُونچا ہے ایوان محمد کا
جمیل الرحمن قادری