سامنے جب درِ اقدس ہو تو ایسا کرنا
اے خدا ملکِ عدم مجھ کو روانہ کرنا
Saamne jab dar-e-aqdas ho to aisa karna
Ae khuda malik-e-adam mujh ko rawana karna
اک نظر میری طرف بھی مِرے آقا کرنا
حشر کے روز حسابوں سے مُبرّا کرنا
Ek nazar meri taraf bhi mire aqa karna
Hashr ke roz hisabon se mubarra karna
میرے سرکار اگر چاہیں بلا بھی لیں گے
کام میرا ہے مدینے کی تمنا کرنا
Mere sarkar agar chahen bula bhi lengay
Kaam mera hai Madine ki tamanna karna
حشر میں دامنِِ اقدس میں کروڑوں ہونگے
مجھ سے عاصی کو بھی سرکار گوارا کرنا
Hashr mein daman-e-aqdas mein karoron honge
Mujh se aasi ko bhi sarkar gawara karna
میں گنہگار ہوں سرکار گنہگار بہت
حشر کے روز مِرے سر پہ بھی سایا کرنا
Main gunahgar hoon sarkar gunahgar bohat
Hashr ke roz mire sar pe bhi saya karna
تابِ نظّارہ بھی آنکھوں میں نہیں ہے لیکن
ضد ہے آنکھوں کی تِرے رُخ کا نظارہ کرنا
Tab-e-nazzara bhi aankhon mein nahi hai lekin
Zid hai aankhon ki tire rukh ka nazzara karna
خاکِ دربارِ نبی تم کو جو مل جائے شفیقؔ
روشنی کے لیے آنکھوں میں لگایا کرنا
Khaak-e-darbar-e-nabi tum ko jo mil jaye shafiq
Roshni ke liye aankhon mein lagaya karna
Share This Naat
Share with friends and family
سامنے جب درِ اقدس ہو تو ایسا کرنا
شفیق ؔ رائے پوری