دل فدائے سیدؐ ابرار ہے
جاں نثار احمدؐ مختار ہے
Dil fidae Syed e Abraar hai
Jaan nisaar Ahmed e Mukhtaar hai
جب سے لب پر مدحت سرکارؐ ہے
میرا عالم‘ عالم انوار ہے
Jab se lab par mad'hat e Sarkar hai
Mera aalam, aalam e anwaar hai
مرحبا عشق محمدؐ کے مزے
دل بھی خوش ہے روح بھی سرشار ہے
Marhaba ishq e Muhammad ke maze
Dil bhi khush hai rooh bhi sarshar hai
قبلہ دل ہے در خیرؐ الانام
کعبہ جاں روضہ سرکارؐ ہے
Qibla dil hai dar e khairul anam
Kaaba jaan rauza e Sarkar hai
ہو نہ جس میں رنگ عشق شاہؐ کا
وہ عبادت وہ عمل بیکار ہے
Ho na jisme rang e ishq e Shah ka
Wo ibadat wo amal bekaar hai
خلق کا مقصود عالم کی مراد
سرورؐ کونین کا دربار ہے
Khalq ka maqsood aalam ki muraad
Sarwar e Konain ka darbaar hai
کوچہ کوچہ ہے مدینے کا بہشت
ذرہ ذرہ گوہر شہوار ہے
Kocha kocha hai Madeene ka bahisht
Zarrah zarrah gohar e shahwar hai
اے خدا دے شہر طیبہ میں جگہ
روح کو آسودگی درکار ہے
Ae Khuda de shehr e Tayyiba mein jagah
Rooh ko aasudagi darkaar hai
واقف اسرار علام الغیوب
ایک امی محرم اسرار ہے
Waaqif e asraar e Alam al Ghuyoob
Aik ummi mehram e asraar hai
انؐ کی چشم لطف سے مٹ جائے گا
جو بھی درد و غم ہے جو آزار ہے
Unki chashm e lutf se mit jaayega
Jo bhi dard o gham hai jo azaar hai
یہ شرف کافی ہے مظہر کے لئے
نعت گو ہے ‘ شاعر دربار ہے
Ye sharaf kaafi hai Mazhar ke liye
Naat go hai, shayar e darbaar hai
Share This Naat
Share with friends and family
دل فدائے سیدؐ ابرار ہے
مظہر الدین مظہر