طوفان رنج و غم کے بجھاتے رہے چراغ
یادِ نبی کے دل میں سجاتے رہے چراغ
Toofaan ranj o gham ke bujhaate rahe charagh
Yaad-e-Nabi ke dil mein sajaate rahe charagh
تاریکیاں تھیں چاروں طرف جب جہان میں
ان کے غلام تب بھی جلاتے رہے چراغ
Taarikiyan thee charon taraf jab jahan mein
Un ke ghulaam tab bhi jalaate rahe charagh
ظلمت شبِ سیاہ کی گہری تو تھی مگر
’’ہم بھی درود پڑھ کے بناتے رہے چراغ‘‘
Zulmat shab-e-syaah ki gahri to thee magar
"Ham bhi durood parh ke banaate rahe charagh"
سرکار کی غلامی نے بخشا وہ حوصلہ
دورِ ستم میں عدل کے لاتے رہے چراغ
Sarkar ki ghulami ne bakhsha wo hausla
Daur-e-sitam mein adal ke laate rahe charagh
غارِ حرا کے نُور نے بخشا ہے جن کو نُور
ظُلمت کو زندگی سے مٹاتے رہے چراغ
Ghar-e-Hira ke noor ne bakhsha hai jin ko noor
Zulmat ko zindagi se mitaate rahe charagh
بخشی تھی جن کو مہر کی طلعت رسول نے
منزل کی راہ سب کو دکھاتے رہے چراغ
Bakhshi thee jin ko mehr ki talat Rasool ne
Manzil ki raah sab ko dikhaate rahe charagh
ہم بے ہنر جلیل درود و سلام کے
فانوسِ دل میں روز جلاتے رہے چراغ
Ham be hunar Jaleel durood o salaam ke
Fanoos-e-dil mein roz jalaate rahe charagh
Share This Naat
Share with friends and family
طوفان رنج و غم کے بجھاتے رہے چراغ
حافظ عبدالجلیل