اٹھی جدھر نگاہ رسالت مآبؐ کی
ذرّوں کو آب و تاب ملی آفتا ب کی
Uthi jidhar nigah e Risalat Maabؐ ki
Zarro ko aab-o-taab mili aaftaab ki
اجمل ترین حُسن ہے اکمل ترین وصف
ہر بات لاجواب ہے اُس لاجواب کی
Ajmal tareen husn hai akmal tareen wasf
Har baat lajawaab hai us lajawaab ki
ہر ہرادا ہے سورہِ قرآں لئے ہوئے
کیا بات ہے جناب ِ رسالت مآبؐ کی
Har har ada hai Surah e Quraan liye hue
Kya baat hai Janab e Risalat Maabؐ ki
دل بھی دیا تو میں نے خدا کے حبیبؐ کو
تقدیر جاگ اٹھی ہے مرے انتخاب کی
Dil bhi diya to maine Khuda ke Habibؐ ko
Taqdeer jaag uthi hai mere intekhaab ki
ان کے کرم نے دید کے قابل بنا دیا
ورنہ کسے ہے تاب رُخِ بے نقاب کی
Un ke karam ne deed ke qabil bana diya
Warna kise hai taab rukh e be-naqab ki
مجھ سے گنہگار کو دامن میں لے لیا
ہو خیر آپ کےکرمِ بے حساب کی
Mujh se gunahgaar ko daaman me le liya
Ho khair aap ke karam e be-hisaab ki
اک دن ضرور آئیں گے سرکارؐ خواب میں
حالت یہ کہہ رہی ہے مرے اضطراب کی
Ek din zaroor aayenge Sarkarؐ khwab me
Haalat yeh keh rahi hai mere izteraab ki
مستی درودِ پاک کی جن کو نصیب ہے
حاجت نہیں ہےان کو کسی بھی شراب کی
Masti Durood e Pak ki jin ko naseeb hai
Haajat nahi hai un ko kisi bhi sharaab ki
خالدؔ غمِ حیات سے کرتی ہے بے نیاز
نسبت اُس آستانہِ عالی جناب کی
Khalidؔ gham e hayaat se karti hai be-niaz
Nisbat us aastaan e aali janab ki
Share This Naat
Share with friends and family
اٹھی جدھر نگاہ رسالت مآبؐ کی
خالد محمود خالد