مشکِ جاں ساز رگِ جاں میں بسا ہووے ہے
جب مرے لب پہ محمدﷺ کی ثنا ہووے ہے
Mushk-e-jaan saaz rag-e-jaan mein basa hovay hai
Jab mere lab pe Muhammad ﷺ ki sana hovay hai
میرے پہلو مرے سینے میں دھڑکنے والا
اب درِ سیدِ عالم پہ جھکا ہووے ہے
Mere pehlu mere seenay mein dharakne wala
Ab dar-e-Syed-e-Alam pe jhuka hovay hai
کون روتا ہے مدینے کی حضوری کے لئے
واقفِ رازِ نہاں دیکھ رہا ہووے ہے
Kaun rota hai Madine ki huzoori ke liye
Waaqif-e-raaz-e-nihaan dekh raha hovay hai
میں سجاتا ہوں مدینے کی ضیا آنکھوں میں
ظلمتِ شب مری آنکھوں سے خفا ہووے ہے
Main sajata hoon Madine ki ziya aankhon mein
Zulmat-e-shab meri aankhon se khafa hovay hai
دھوپ بہروپ گھنے سائے کا بھر لیتی ہے
جب تصور میں مزمل کی ردا ہووے ہے
Dhoop beroop ghane saaye ka bhar leti hai
Jab tasawwur mein Muzammil ki rida hovay hai
واپسی شہرِ مدینہ سے ہوئی ہے ایسے
جیسے ماہی کا بدن جل سے جدا ہووے ہے
Wapsi shehar-e-Madina se hui hai aise
Jaise maahi ka badan jal se juda hovay hai
قلبِ اشفاقؔ میں روشن ہے تمنائے نبی
اور ہونٹوں پہ مدینے کی دعا ہووے ہے
Qalb-e-Ashfaq mein roshan hai tamannaye Nabi
Aur honton pe Madine ki dua hovay hai
Share This Naat
Share with friends and family
مشکِ جاں ساز رگِ جاں میں بسا ہووے ہے
اشفاق احمد غوری