قربِ حق کا پتہ چاہیے
زندگی کا مزہ چاہیے
Qurb-e Haq ka pata chahiye
Zindagi ka maza chahiye
مال و زر کی نہیں کچھ طلب
بس نبی کی عطا چاہیے
Maal-o-zar ki nahi kuch talab
Bas Nabi ki 'ata chahiye
سر پہ رکھنے کو اے مصطفیٰ
آپ کا نقشِ پا چاہیے
Sar pe rakhne ko ae Mustafa
Aap ka naqsh-e-pa chahiye
ہر مَرض سے ملے گی شفا
وردِ صلِّ علیٰ چاہیے
Har marz se milegi shifa
Wird-e Sall-e 'ala chahiye
بحرِ غم میں ہے کشتی پھنسی
اک نظر ناخدا چاہیے
Behr-e-gham mein hai kashti phansi
Ek nazar nakhuda chahiye
باغِ جنت کی خواہش نہیں
بس نبی کی عطا چاہیے
Bagh-e Jannat ki khwahish nahi
Bas Nabi ki 'ata chahiye
رنج کی اس کڑی دھوپ میں
ظِلّ زُلفِ دوتا چاہیے
Ranj ki is kari dhoop mein
Zill-e zulf-e-dota chahiye
یا نبی، یا نبی، یا نبی
دردِ دل کی دوا چاہیے
Ya Nabi, ya Nabi, ya Nabi
Dard-e dil ki dawa chahiye
دہر میں، قبر میں حشر میں
آپ کا آسرا چاہیے
Dehr mein, qabr mein hashr mein
Aap ka aasra chahiye
نعت گوئی کی دولت ملے
فکر و فن کی ردا چاہیے
Naat goi ki doulat mile
Fikr-o-fan ki ra’da chahiye
دیدہ و دل کی بینائی کو
سرمہ”مازاغ“ کا چاہیے
Deeda-o-dil ki beenaai ko
Surma "mazaag" ka chahiye
دل کی بنجر زمیں ہو ہری
اب کرم کی گھٹا چاہیے
Dil ki banjar zameen ho hari
Ab karam ki ghata chahiye
میرے دل کی شبستان میں
الفتوں کی ضیا چاہیے
Mere dil ki shabistan mein
Ulfato'n ki zia chahiye
تیرے احمدؔ کو اے مصطفیٰ
کلکِ احمدؔ رضا چاہیے
Tere Ahmad ko ae Mustafa
Kilk-e Ahmed Raza chahiye
Share This Naat
Share with friends and family
قربِ حق کا پتہ چاہیے
مولانا طفیل احمد مصباحی