درِ نبیؐ کو مسافر جو بڑھ کے آلیں گے
زمیں پہ رہ کے بھی وہ خلد کا مزا لیں گے
dar-e Nabi (ﷺ) ko musafir jo barh ke aalen ge
zameen pe reh ke bhi woh khuld ka maza len ge
ہم اِس زمانے کو کیا دیں گے اور کیا لیں گے
مدینے پہنچیں گے جنّت کا راستا لیں گے
hum is zamane ko kya den ge aur kya len ge
madine pochen ge Jannat ka rasta len ge
گناہگار سہی ہم مگر خدا شاہد
شفیعِؑ حشر ہمیں حق سے بخشوا لیں گے
gunahgaar sahi hum magar Khuda shahid
shafi-e (ﷺ) hashr humein haq se bakhshawa len ge
نڈھال ہو کے گرے بھی جو راہِ بطحا میں
فرشتے جُھک کے گلے سے ہمیں لگا لیں گے
nidh'al ho ke gire bhi jo rah-e Butha mein
farishte jhuk ke gale se humein laga len ge
ہم اسِ جہاں میں حیات النبیؐ کے ہیں قائل
جو منحرف ہیں وہ خیرالورٰیؐ سے کیا لیں گے
hum is jahan mein Hayat un Nabi (ﷺ) ke hain qail
jo munharif hain woh Khair ul Wara (ﷺ) se kya len ge
نکل ہی آئے گی کوئی سبیل جنّت کی
وہ خوش ہوئے تو مدینے ہمیں بُلالیں گے
nikal hi aaye gi koi sabeel Jannat ki
woh khush huye to Madine humein bula len ge
جہاں سے ہم کو نظر آئے گُنبدِ خَضرٰی
اُسی جگہ پہ ہم اپنی جبیں جھُکا لیں گے
jahaan se hum ko nazar aaye gunbad-e Khazra
usi jagah pe hum apni jabeen jhuka len ge
یہاں نہ کوئی دُعا ہے نہ مدّعا کوئی
مدینے جائیں گے جو کچھ مِلے گا پالیں گے
yahaan na koi dua hai na mad'dua koi
Madine jaayenge jo kuch mile ga pa len ge
نصیرؔ خلد کے جلوے اُنہی کا حصّہ ہیں
جمالِ مصطفویؐ سے جو دل سجا لیں گے
Naseer (ؔ) khuld ke jalwe unhi ka hissa hain
Jamal-e Mustafa (ﷺ) se jo dil saja len ge
Share This Naat
Share with friends and family
درِ نبیؐ کو مسافر جو بڑھ کے آلیں گے
سید نصیرالدیں نصیر