سرمایۂ حیات ہے سِیرت رسولؐ کی
اسرارِ کائنات ہے سِیرت رسولؐ کی
Sarmaya-e-hayat hai seerat-e-Rasoolؐ ki
Asrar-e-kainaat hai seerat-e-Rasoolؐ ki
پھُولوں میں ہے ظہُور ستاروں میں نُور ہے
ذاتِ خُدا کی بات ہے سِیرت رسولؐ کی
Phoolon mein hai zahoor sitaron mein noor hai
Zaat-e-Khuda ki baat hai seerat-e-Rasoolؐ ki
بنجر دِلوں کو آپؐ نے سیراب کردیا
اِک چشمۂ صفات ہے سِیرت رسولؐ کی
Banjar dilon ko Aapؐ ne seyrab kardiya
Ik chashma-e-sifaat hai seerat-e-Rasoolؐ ki
چشمِ کلیم ایک تجلّی میں بِک گئی
جلووں کی واردات ہے سیرت رسول ؐ کی
Chashm-e-Kaleem ek tajalli mein bik gayi
Jalwon ki wardaat hai seerat-e-Rasoolؐ ki
جور و جفا کے واسطے برقِ ستم سہے
دُنیائے التفات ہے سیرت رسولؐ کی
Jor o jafa ke wastay barq-e-sitam sahe
Dunya-e-iltafat hai seerat-e-Rasoolؐ ki
تصویرِ زندگی کو تکلّم عطا کیا
حُسنِ تصوّرات ہے سیرت رسولؐ کی
Tasveer-e-zindagi ko takallum ata kia
Husn-e-taswwuraat hai seerat-e-Rasoolؐ ki
ساغرؔ سرور و کیف کے ساغر چھلک اُٹھے
صبحِ تجلیّات ہے سیرت رسولؐ کی
Sagharؔ saroor o kaif ke saaghar chhalak uthay
Subh-e-tajalliyaat hai seerat-e-Rasoolؐ ki
Share This Naat
Share with friends and family
سرمایۂ حیات ہے سِیرت رسولؐ کی
ساغر صدیقی