نور لیندے نے ستارے وی مدینے وچوں
کیف لیندے نے نظارے وی مدینے وچوں
Noor liende ne sitare vi Madine wichoon
Kaif liende ne nazare vi Madine wichoon
رحمتِ خاص دا مرکز وی مدینے وچ اے
ہون رحمت دے اشارے وی مدینے وچوں
Rehmat-e-khaas da markaz vi Madine wich ae
Hon rehmat de ashare vi Madine wichoon
سوز دا جاری سمندر وی مدینے وچ اے
کیف نوں ملدے کنارے وی مدینے وچوں
Soz da jari samundar vi Madine wich ae
Kaif noon milde kinare vi Madine wichoon
جان دا چین تے تسکین مدینے وچ اے
خلق لیندی اے سہارے وی مدینے وچوں
Jaan da chain te taskeen Madine wich ae
Khalq liendi ae sahare vi Madine wichoon
خیر ملدی اے شفاعت دی سوالی تائیں
ہون سب پورے خسارے وی مدینے وچوں
Khair mildi ae shafa'at di swaali taan
Hon sab poore khisare vi Madine wichoon
نقدِ جاں دے کے وی مل جاندی اے جنت اوتھوں
چین ملدے نے اُدھارے وی مدینے وچوں
Naqd-e-jaan de ke vi mil jandi ae jannat othon
Chain milde ne udhare vi Madine wichoon
آن لیندے نے مُراداں تے مُراداں صائم
شان والے تے ، نکارے وی ، مدینے وچوں
Aan liende ne muradan te muradan Sa'aim
Shaan wale te, nakare vi, Madine wichoon
Share This Naat
Share with friends and family
نور لیندے نے ستارے وی مدینے وچوں
علامہ صائم چشتی