عرب کے روئے افق پہ چھٹکی جو صبحِ صادق کی روشنی تھی
وہ وجہِ تخلیقِ کون و امکان کی ولادت کی سرخوشی تھی
Arab ke roye ufaq pe chhatki jo subh-e-sadiq ki roshni thi
Wo wajah-e-takhleeq-e-kon o imkaan ki wiladat ki sarkhoshi thi
خرامِ بادِ صبا میں اک منفرد تقدس رچا ہوا تھا
ربیعِ اول وہ پہلی پہلی بہار گویا کہ ان چُھوئی تھی
Khiram-e-baad-e-saba mein ek munfarid taqaddus racha hua tha
Rabi' ul-Awwal wo pehli pehli bahaar goya keh an chhui thi
جمیل شا خوں پہ سارے رنگوں کے تازہ غنچے چٹک رہے تھے
عجب سی سرشار یوں میں رقصاں گلاب و سوسن کی ہر کلی تھی
Jameel shaakhon pe saare rangon ke tazah ghunche chatak rahe the
Ajab si sarshariyon mein raqsa gulab o soosan ki har kali thi
تمام پھولوں کی مہکی آغوش میں بسیرا تھا نکہتوں کا
ہر ایک پتّی گداز ہونٹوں سے بوئے تقدیس چومتی تھی
Tamam phoolon ki mehki aaghosh mein basera tha nikhatoon ka
Har ek patti gadaaz hontoon se booe taqaddus choomti thi
کیاریوں پر مہین پھولوں کے شامیانے تنے ہوئے تھے
مہک گلابوں کی پتیوں پر خوشی کے جھولے میں جھولتی تھی
Kiariyon par maheen phoolon ke shaamiyane tane huye the
Mehak gulaboon ki pattiyon par khushi ke jhoole mein jhoolti thi
ہر ایک طائر لہکتے پیڑوں کی ڈالیوں پر چہک رہا تھا
حسین بلبل درود کے گیت شاخِ گل کو سنا رہی تھی
Har ek taair lehakte pedon ki daalion par chehak raha tha
Haseen bulbul darood ke geet shaakh-e-gul ko suna rahi thi
کہیں پہ لالہ کا سرخ جوبن سرُورِ حسن و شباب میں تھا
کہیں گلِ یاسمیں کے عارض پہ بوند شبنم کی کھیلتی تھی
Kahin pe laala ka surkh joban suroor-e-husn o shabab mein tha
Kahin gul-e-yasmeen ke aariz pe boond shabnam ki kheilti thi
حسین بیلے کے پھول وقتِ سحر کی مستی میں جھومتے تھے
خوشی کنول اور نیلوفر کے گداز پہلو سے جھانکتی تھی
Haseen bele ke phool waqt-e-sehar ki masti mein jhoomte the
Khushi kanwal aur nilofar ke gadaaz pehlu se jhakti thi
گلِ صباحت کی پتیوں پر صبا کی رنگینیاں فدا تھیں
گلِ سکینت کی شاخ دوشِ ہوا پہ مستی میں جھومتی تھی
Gul-e-sabahat ki pattiyon par saba ki rangeeniyan fida thein
Gul-e-sakeenat ki shaakh dosh-e-hawa pe masti mein jhoomti thi
چمن چمن نسترن کے رنگوں کی خوشنمائی کا تذکرہ تھا
مضافِ نرگس خزاں رتوں کی روانگی کی خوشی کھڑی تھی
Chaman chaman nastran ke rangon ki khushnamai ka tazkarah tha
Muzaf-e-nargis khizan ratoon ki rawangi ki khushi khadi thi
چمیلیوں کی مہک سے صحنِ چمن کا نقشہ تھا خلد جیسا
گلاب کے روئے خوشنما پر خمارِ سحری کی دل کشی تھی
Chameli yon ki mehak se saahn-e-chaman ka naqsha tha khuld jaisa
Gulab ke roye khushnuma par khumar-e-sahri ki dilkashi thi
کی باتیں سنا رہا تھا گلِ اشرفی پٹونیا کو صبا
گلِ بنفشہ سے بات گیندے کی خوب راز و نیاز کی تھی
Ki baatein suna raha tha gul-e-asharfi petunia ko saba
Gul-e-banafsha se baat gainday ki khoob raaz o niaz ki thi
بہار آج اک نئی طرح سے گلِ اناری کو چھو رہی تھی
سدا سہاگن گلِ بہاری میں آج انوکھی سی تازگی تھی
Bahaar aaj ek nayi tarah se gul-e-anari ko choo rahi thi
Sada suhagan gul-e-bahari mein aaj anokhi si tazgi thi
اندھیرے صحنِ چمن سے خود کو سمیٹنے میں لگے ہوئے تھے
سحر اجالوں کی بھیک دینے میانِ گلشن اتر رہی تھی
Andhere saahn-e-chaman se khud ko sametne mein lage hue the
Sehar ujaalon ki bheek dene mean-e-gulshan utar rahi thi
وہ آمنہ بی کے گھر میں مشک و عبیر و عنبر کا رتجگا تھا
عرب کے صحرا سے اٹھتی خوشبو جناں کے پھولوں کو بھا رہی تھی
Wo Amina B ke ghar mein mushk o abeer o anbar ka ratjaga tha
Arab ke sehra se uthti khushboo janaan ke phoolon ko bha rahi thi
جو صبحِ صادق پیام لائی تھی آمدِ سرورِ جہاں کا
وہ صبحِ صادق درِ محمد پہ دست بستہ کھڑی ہوئی تھی
Jo subh-e-sadiq payaam laayi thi aamad-e-sarwar-e-jahan ka
Wo subh-e-sadiq dar-e-Mohammad pe dast basta khadi hui thi
یہی سحر ہے جو استعارہ ہے سرمدی رنگ و روشنی کا
یہی سحر ہے کہ جس نے آ کر بساطِ ظلمت لپیٹ دی تھی
Yahi sehar hai jo istilara hai sarmadi rang o roshni ka
Yahi sehar hai keh jis ne aa kar bisaat-e-zulmat lapet di thi
وہ صبحِ صادق وہ پیر کا دن ربیعِ اول کی بارہویں کو
کریم رب نے عظیم نعمت زمین والوں کو سونپ دی تھی
Wo subh-e-sadiq wo peer ka din Rabi' ul-Awwal ki baarhavi ko
Kareem Rab ne azeem naemat zameen walon ko sonp di thi
جو آمنہ بی کی گود میں اپنی اولیں سانس لے رہے تھے
انہی کی سانسوں سے منسلک بزمِ کون و امکاں کی زندگی تھی
Jo Amina B ki god mein apni auleen saans le rahe the
Inhi ki saanson se munsalik bazm-e-kon o imkaan ki zindagi thi
وہ رشکِ خورشید و ماہ و انجم جہانِ دنیا میں آ گئے ہیں
ظہور فرما ہوئے وہ جن کی دعا خلیلِ خدا نے کی تھی
Wo rashk-e-khurshid o mah o anjum jahan-e-dunya mein aa gaye hain
Zahoore farma hue wo jin ki dua Khalil-e-Khuda ne ki thi
وہ آ گئے ہیں کہ جن کی بابت مسیحِ مریم بتا گئے تھے
وہ جن کی خوش کن خبر صحائف میں اک تسلسل سے آ رہی تھی
Wo aa gaye hain keh jin ki baabat Masih-e-Maryam bata gaye the
Wo jin ki khushkun khabar sahaif mein ek tasalsul se aa rahi thi
مبارکیں جن کی آمنہ بی کو دی تھیں خوابوں میں بیبیوں نے
وہ جلوہ فرما ہوئے ہیں جن کے لئے یہ بزمِ جہاں سجی تھی
Mubarkain jin ki Amina B ko di thi khwabon mein beebiyon ne
Wo jalwa farma hue hain jin ke liye yeh bazm-e-jahan saji thi
بڑے دنوں سے عرب کے لوگوں کو خشک سالی کا سامنا تھا
حضور آئے تو کشتِ ویران پھر ثمر بار ہو گئی تھی
Bade dino se Arab ke logon ko khushk saali ka saamna tha
Huzoor aaye to kasht-e-veeran phir samar baar ho gayi thi
تبھی تو لات و منات کے بت بھی اپنے ہی منہ کے بل گرے تھے
قدیم آتش کدے کی آتش بوقتِ میلاد ہی بجھی تھی
Tabhi to Laat o Manat ke but bhi apne hi munh ke bal gire the
Qadeem aatish kade ki aatish be-waqt-e-meelad hi bujhi thi
حضور آئے وہ نور پھیلا کہ شام کے بام و در بھی چمکے
فلک سے ضوبار کہکشاں آ کے صحنِ سرکار پر جھکی تھی
Huzoor aaye wo noor phaila keh shaam ke baam o dar bhi chamke
Falak se zobar kehkashan aa ke saahn-e-sarkar par jhuki thi
وہ آئے مختوں بہ حالِ سجدہ بریدہ ناف و بدن مطہر
جہان سارا ہوا منور فضا میں خوشبو کی سروری تھی
Wo aaye mukhton ba haal-e-sajda bureede naaf o badan mutahir
Jahan saara hua munawwar faza mein khushboo ki sarwari thi
شفیق دادا وہ عبدِ مطلب حرم کے اندر طواف میں تھے
وہ دوڑے آئے خوشی خوشی میں اٹھا کے چوما دعا بھی دی تھی
Shafeeq dada wo Abd-ul-Muttalib Haram ke andar tawaaf mein the
Wo dode aaye khushi khushi mein utha ke chooma dua bhi di thi
برائے دیدِ نبیٔ آخر فلک سے قدسی اتر رہے تھے
فضا میں تھا اک عجب تقدس مہک ہواؤں میں خلد کی تھی
Baraye deedar-e-nabi-e-aakhir falak se qudsi utar rahe the
Faza mein tha ek ajab taqaddus mehak hawaon mein khuld ki thi
خبر خوشی کی یہ ثوبیہ نے سنائی جا کر ابو لہب کو
کیا جو آزاد ثوبیہ کو رعایت اس کے عوض ملی تھی
Khabar khushi ki yeh Thobiyah ne sunai ja kar Abu Lahab ko
Kiya jo aazad Thobiyah ko riayat is ke ewaz mili thi
انہی کے صدقے قحط اٹھا کر بڑی فراوانیاں عطا کیں
تمام ماؤں کی گود رب نے نرینہ اولاد سے بھری تھی
Inhi ke sadqe qahat utha kar barri farawaniyan ata keen
Tamam maaon ki god Rab ne nareena aulad se bhari thi
وہ آئے جبریل جھنڈے لے کر سجائے مشرق سجائے مغرب
وہ بیتِ معمور پر بھی جھنڈا لگا تھا رونق تھی روشنی تھی
Wo aaye Jibrael jhande le kar sajaaye mashriq sajaaye maghrib
Wo Bait-ul-Mamoor par bhi jhanda laga tha ronaq thi roshni thi
کہیں تھا خوشبو کا رقص جاری کہیں ستارے جھکے ہوئے تھے
زمین پر تھا خوشی کا موسم فلک کی رونق بھی دیدنی تھی
Kahin tha khushboo ka raqs jari kahin sitare jhuke hue the
Zameen par tha khushi ka mausam falak ki ronaq bhi deedni thi
نجومِ تاباں مہِ منور طلوعِ خورشید صبحِ روشن
نظر ہر اک استعارۂ نور کی قرینِ حرم لگی تھی
Nujum-e-taban mah-e-munawwar talab-e-khurshid subh-e-roshan
Nazar har ek istilara-e-noor ki qareen-e-haram lagi thi
زمین خوش تھی زمان خوش تھےمقیمِ کون و مکان خوش تھے
خوشی تھی رقصاں چہار جانب بڑی مسرت کی وہ گھڑی تھی
Zameen khush thi zamaana khush the muqeem-e-kon o makaan khush the
Khushi thi raqsa chahaar janib barri masarrat ki wo ghari thi
ظہورِ شاہِ عرب کے صدقے ہوا میں عطرِ ارم بسا تھا
عبیر و مشکِ ختن کی خوشبو خوشی کے ماحول میں رچی تھی
Zahoore Shah-e-Arab ke sadqe hawa mein itr-e-iram basa tha
Abeer o mushk-e-khitan ki khushboo khushi ke mahol mein rachi thi
جو دیکھتا تھا وہ حسنِ کامل کا دل سے شیدائی ہو رہا تھا
نفیس بینی گلاب عارض حسین صورت بہت بھلی تھی
Jo dekhta tha wo husn-e-kaamil ka dil se shaidai ho raha tha
Nafees beeni gulab aariz haseen soorat bohot bhali thi
منیر آنکھیں اور ان میں مازاغ کے حسین و جمیل ڈورے
کشادہ ماتھے پہ ماہ و خورشید کے مقدر کی روشنی تھی
Muneer aankhein aur in mein mazaagh ke haseen o jameel doren
Kushada maathay pe mah o khurshid ke maqaddar ki roshni thi
وہ پتلے پتلے حسین لب تھے گلِ تقدس کی پتیوں سے
وہ دانت کیا تھے، نفیس و نایاب موتیوں کی حسیں لڑی تھی
Wo patle patle haseen lab the gul-e-taqaddus ki pattiyon se
Wo daant kya the, nafees o nayab motiyon ki haseen lari thi
ہتھیلیوں کے گداز پر بھی حریر و اطلس فریفتہ تھے
کلائیوں کی نظر اتارے یہ شاخِ طوبیٰ کی نوکری تھی
Hatheliyon ke gadaaz par bhi hareer o atlas ferefta the
Kalaiyon ki nazar utaare yeh shaakh-e-Tooba ki naukri thi
دراز پلکوں کی ٹھنڈی چھاؤں میں غمگساری کا مستقر تھا
ہلالِ ابرو کے بانکپن میں نوید عیدِ سعید کی تھی
Daraaz palkon ki thandi chhaon mein ghamgasaari ka mustaqarr tha
Hilaal-e-abroo ke baanakpan mein naveed-e-eid-e-saeed ki thi
گدازِ کمخواب چشمِ حیرت سے ان کے تلووں کو دیکھتا تھا
نظر سنیل و حریر و دیبا کی ان کے قدموں کو چومتی تھی
Gadaaz-e-kimkhaab chashm-e-hairat se in ke talvon ko dekhta tha
Nazar suneel o hareer o deeba ki in ke qadam ko choomti thi
سراپا حسن و جمال ایسا مثال جس کی نہ تھی نہ ہوگی
حسین رنگت تھی اتنی اجلی کہ روشنی بھیک مانگتی تھی
Saraapa husn o jamaal aisa misaal jis ki na thi na hogi
Haseen rangat thi itni ujli keh roshni bheek maangti thi
عرب ظہورِ نبی سے پہلے جہالتوں کے حصار میں تھا
حصولِ علم و ادب کی ترغیب شاہِ کونین سے ملی تھی
Arab zahoore nabi se pehle jahalatoun ke hisaar mein tha
Husool-e-ilm o adab ki tareeb Shah-e-Kaunain se mili thi
ورود بے رنگ موسموں کا عرب کے صحرا کا تھا مقدر
حجاز تھا رونقوں سے خالی حرم میں بھی کب یہ دل کشی تھی
Wurood be-rang mausamon ka Arab ke sehra ka tha muqaddar
Hijaz tha ronaqoun se khaali Haram mein bhi kab yeh dilkashi thi
جہالتوں کے گڑھوں میں ماں باپ زندہ درگور کر رہے تھے
نہ بیٹیوں کا یہ مرتبہ تھا نہ بیٹیوں کی یہ زندگی تھی
Jahalatoun ke gadhoun mein maan baap zinda dargor kar rahe the
Na betiyon ka yeh martabah tha na betiyon ki yeh zindagi thi
نہ شعر کو تھا شعورِ مدحت نہ اس ہنر کی تھی قدر و قیمت
نہ شعر میں لطف نعت کا تھا نہ قابلِ رشک شاعری تھی
Na she'r koh tha shuoor-e-madhat na is hunar ki thi qadr o qeemat
Na she'r mein lutf-e-naat ka tha na qaabil-e-rashk shaairi thi
شرف ہے ذکرِ جمالِ سرور سو فضلِ ربی سے کر رہا ہوں
کرم ہے خلاقِ دو جہاں کا اسی سے یہ نوکری ملی تھی
Sharaf hai zikr-e-jamaal-e-sarwar so fazl-e-rabbi se kar raha hoon
Karam hai khalaq-e-do jahan ka isi se yeh naukri mili thi
جہاں جہاں پر گمان نقشِ نعالِ سرکار کا ہوا تھا
وہیں پہ قبلہ تھا قلب و جاں کا وہیں پہ میری جبیں جھکی تھی
Jahan jahan par gumaan naqsh-e-naal-e-sarkar ka hua tha
Wahin pe qibla tha qalb o jaan ka wahin pe meri jabin jhuki thi
طفیلِ ممدوح، یا الٰہی معاف کر دے مری خطائیں
وہ جس کے صدقے میں تونے آدم کی عاجزی بھی قبول کی تھی
Tufail-e-mamdooh, ya ilahi maaf kar de meri khataayen
Wo jis ke sadqe mein toone Aadam ki aajizi bhi qubool ki thi
ہمارے ماں باپ اور بچوں کو ان کے در کی گدائی میں رکھ
کہ جن کے بندہ نواز ہاتھوں میں تونے تقسیمِ رزق دی تھی
Hamare maan baap aur bachon ko in ke dar ki gidai mein rakh
Keh jin ke banda nawaz hathon mein toone taqseem-e-rizq di thi
کرم ہے، اشفاقِ بے ہنر کا قلم درِ نعت پر جھکا ہے
یہی وہ اعزاز تھا جو نوکِ قلم ہمیشہ سے مانگتی تھی
Karam hai, Ishfaq-e-be-hunar ka qalam dar-e-naat par jhuka hai
Yahi wo aazaz tha jo nook-e-qalam hamesha se maangti thi
Share This Naat
Share with friends and family
عرب کے روئے افق پہ چھٹکی
اشفاق احمد غوری