رمزِ وحدت کیا ہے ذاتِ مصطفیٰؐ جانے فقط
عظمتِ شاہِ دو عالم کو خدا جانے فقط
Ramz-e-Wahdat kya hai zaat-e-Mustafaؐ jaane fakat
Azmat-e-Shah-e-Do Alam ko Khuda jaane fakat
گود میں تیری ہے ذاتِ فخرِ آدم جس کو تو
عام بچہ اے حلیمہ سعدیہ جانے فقط
God mein teri hai zaat-e-Fakhr-e-Adam jis ko tu
Aam bacha ae Haleema Sa'diya jaane fakat
اس سے رب راضی نہیں، ناراض جس سے ہوں نبیؐ
رحمتِ داور پیمبر کی رضا جانے فقط
Us se Rab raazi nahi, naaraaz jis se hon Nabiؐ
Rahmat-e-Dawar Paighambar ki raza jaane fakat
وہ خرد کیا جانے رفعت صاحبِ لولاک کی
وسعتِ کونین کو جو اِک ذرا جانے فقط
Woh khird kya jaane rafa't Saahib-e-Loolak ki
Wus'at-e-Kownain ko jo ik zara jaane fakat
ہو گیا جو غرق عشقِ مصطفیٰؐ میں واقعی
منزلِ عرفانِ حق کا وہ پتہ جانے فقط
Ho gaya jo gharq ishq-e-Mustafaؐ mein waaqai
Manzil-e-Irfan-e-Haq ka woh pata jaane fakat
آیۂ قوسین اَو اَدنیٰ سے یہ عقدہ کھلا
قرب رب کی کیا ہے منزل تو شہا جانے فقط
Aayah-e-Qousain aw adnaa se yeh uqda khula
Qurb Rab ki kya hai manzil to Shahah jaane fakat
اہلِ ایماں کی نظر میں ذاتِ آقاؐ بے نظیر
بس منافق ہی نبیؐ کو عام سا جانے فقط
Ahl-e-Imaan ki nazar mein zaat-e-Aaqaؐ bey nazeer
Bas munaafiq hi Nabiؐ ko aam sa jaane fakat
غیر سے رکھتا نہیں یہ نا خدائی کی امید
تیرا دیوانہ تجھی کو نا خدا جانے فقط
Ghair se rakhta nahi yeh naa Khudaayi ki umeed
Tera deewana tiji ko naa khuda jaane fakat
اس کی امیدوں کا رکھنا شافعِ محشر کا بھرم
حشر میں احسؔن ترا ہی آسرا جانے فقط
Is ki umeedon ka rakhna Shaafi'-e-Mahshar ka bharam
Hashr mein Ahsan tera hi aasra jaane fakat
Share This Naat
Share with friends and family
رمزِ وحدت کیا ہے ذاتِ مصطفیٰؐ جانے فقط
احسن اعظمی