بکھری پڑی ہے طیبہ میں خوشبو گلی گلی
جیسے ادھرسے گزرے ہیں آقا ابھی ابھی
Bikhri pari hai Taiba mein khushboo gali gali
Jaise idhar se guzre hain aqa abhi abhi
اللہ رے مدینے کے پاکیزہ روز و شب
ماحول نور نور ‘ ہوائیں دھلی دھلی
Allah re Madine ke pakeeza roz o shab
Mahaul noor noor, hawaein dhuli dhuli
خوش خلق میزبان محبت بھری فضا
اب تک مشام جاں میں ہیں یادیں رچی بسی
Khush khalq mezban mohabbat bhari faza
Ab tak misham jaan mein hain yaadein rachi basi
طیبہ کا ہر مکیں ہے اک پیکرِ خلوص
اللہ رکھے آقا کی کھیتی ہری بھری
Taiba ka har maki hai ik paikar e khuloos
Allah rakhe aqa ki kheti hari bhari
شرم خطا ہے یوں ہوا میں حاضر حرم
نبضیں تھمی تھمی سی ‘ نگاہیں جھکی جھکی
Sharm khata hai yun hawa mein hazir haram
Nabzein thami thami si, nigahein jhuki jhuki
ہو گوشہ چاہتا ہے مدینے کا احترام
جلوے قدم قدم ہیں ‘ تقدس گلی گلی
Ho gosha chahta hai Madine ka ehtram
Jalwe qadam qadam hain, taqaddus gali gali
مجھ کو عطا ہوئی جو ریاضِ رسولﷺ سے
سانسوں میں آج تک ہے وہ خوشبو رچی بسی
Mujh ko ata hui jo riyaz e Rasool ﷺ se
Saanson mein aaj tak hai woh khushboo rachi basi
پاسِ ادب سے میں نے وہاں کچھ نہیں کہا
لیکن مجھے یقین ہے میری سنی گئی
Pas e adab se mein ne wahan kuch nahi kaha
Lekin mujhe yaqeen hai meri suni gayi
لوٹا تو میرے ساتھ تھی رحمت کی روشنی
گھر سے چلا تھا لے کے میں آنکھیں بجھی بجھی
Loota to mere saath thi rehmat ki roshni
Ghar se chala tha le ke mein aankhein bujhi bujhi
جیسے مجھے سہارا دیا خود حضورﷺ نے
محسوس مجھ کو یوں بھی ہوا ہے کبھی کبھی
Jaise mujhe sahara diya khud Huzoor ﷺ ne
Mehsoos mujh ko yun bhi hua hai kabhi kabhi
سورج اُتر کے جیسے مِرے گھر میں آگیا
جب بھی مِری زبان سے نکلا نبی نبی
Sooraj utar ke jaise mere ghar mein aagaya
Jab bhi meri zubaan se nikla Nabi Nabi
صدیوں پرانا ہوچکا شہر حرم مگر
ہر چیز اس کی لگتی ہے اب بھی نئی نئی
Sadiyon purana ho chuka shehar e haram magar
Har cheez is ki lagti hai ab bhi nai nai
Share This Naat
Share with friends and family
بکھری پڑی ہے طیبہ میں خوشبو گلی گلی
پروفیسراقبال عظیم