خیر مقدم کو نکل آیا ہے اشکوں کاجلوس
آ گئی یادِ شہنشاہِ مدینہ دل میں
Khair maqdam ko nikal aaya hai ashkon ka juloos
Aa gayi yaad-e-shehenshah-e-Madina dil mein
میں سبز گنبد کا دھیان کرلوں تو نعت لکھوں
زمین کو آسمان کر لوں تو نعت لکھوں
Mein sabz gunbad ka dhyaan karlun to naat likhun
Zameen ko aasman kar lun to naat likhun
نبی کے شایانِ شان کر لوں تو نعت لکھوں
قلم کو میں عطر دان کرلوں تو نعت لکھوں
Nabi ke shayan-e-shaan kar lun to naat likhun
Qalam ko mein itar daan karlun to naat likhun
میں فنِّ شعروسخن کا ادنیٰ سا طفلِ مکتب
ذرا سا فن کو جوان کر لوں تو نعت لکھوں
Mein fann-eshuaranteoean ka adna sa tifl-e-maktab
Zara sa fann ko jawaan kar lun to naat likhun
درودِ اقدس کے پھول اُن پر نثار کر کے
معطر اپنی زبان کر لوں تو نعت لکھوں
Darood-e-aqdas ke phool un par nisaar kar ke
Muattar apni zabaan kar lun to naat likhun
بھری ہے خطروں سے راہِ نعتِ رسولِ اکرم
نبی سے عہدِ امان کر لوں تو نعت لکھوں
Bhari hai khatron se raah-e-naat-e-Rasool-e-Akram
Nabi se ahd-e-amaan kar lun to naat likhun
گلاب جل کی پلا کے اس کو میں روشنائی
قلم کی گیلی زبان کر لوں تو نعت لکھوں
Gulaab jal ki pila ke is ko mein roshnai
Qalam ki geli zabaan kar lun to naat likhun
فضائے نعتِ نبی بلند و وسیع تر ہے
شفیقؔ ویسی اڑان کر لوں تو نعت لکھوں
Faza-e-naat-e-Nabi buland o wasi tar hai
Shafiq waisi uraan kar lun to naat likhun
Share This Naat
Share with friends and family
خیر مقدم کو نکل آیا ہے اشکوں کاجلوس
شفیق ؔ رائے پوری