کونین میں یُوں جلوہ نُما کوئی نہیں ہے
اللہ کے بعد اُن سے بڑا کوئی نہیں ہے
Konain mein yoon jalwa numa koi nahi hai
Allah ke baad un se bara koi nahi hai
یُوں فرش سے تا عرش گیا کوئی نہیں ہے
معراج میں اِس درجہ رسا کوئی نہیں ہے
Yoon farsh se ta arsh gaya koi nahi hai
Meraj mein is darja rasa koi nahi hai
مانگو تو ذرا اُن کے توسّط سے کبھی کچھ
مقبول نہ ہو، ایسی دُعا کوئی نہیں ہے
Mango to zara un ke tosat se kabhi kuch
Maqbool na ho, aisi dua koi nahi hai
کام آئی سرِ حشر محمدؐ کی شفاعت
سب کہتے ہیں، جا! تیری خطا کوئی نہیں ہے
Kaam aai sar-e-hashr Muhammadﷺ ki shifaat
Sab kehte hain, ja! Teri khata koi nahi hai
ہر چند نبی عیسیٰؑ و موسیٰؑ بھی ہیں، لیکن
محبوبِؐ خدا اُن کے سوا کوئی نہیں ہے
Har chand Nabi Isa (AS) o Musa (AS) bhi hain, lekin
Mahboob-e-Khuda un ke siwa koi nahi hai
اللہ نے سَو حُسن دیئے نوعِ بشر کو
یُوں نُور کے سانچے میں ڈھلا کوئی نہیں ہے
Allah ne sau husn diye noo-e bashar ko
Yoon noor ke sanche mein dhala koi nahi hai
دل اُن کا ہے اِس دل میں وہی جلوہ فگن ہیں
اب اُن کے علاوہ بخدا، کوئی نہیں ہے
Dil un ka hai is dil mein wahi jalwa fagan hain
Ab un ke ilawa baKhuda, koi nahi hai
اُمّت میں ہُوں اُن کی کہ جو ہیں رحمتِؐ عالَم
کیوں حشر کا ڈر ہو، مِرا کیا کوئی نہیں ہے؟
Ummat mein hoon un ki ke jo hain Rehmat-ul-Alam
Kyun hashr ka darr ho, mera kia koi nahi hai?
اِس دَور پہ اے ختمِ رُسُلؐ! چشمِ کرم ہو
رہزن ہیں بہت راہنما کوئی نہیں ہے
Is daur pe ae Khatm-e-Rusulﷺ! chashm-e-karam ho
Rahzan hain bohat rahnuma koi nahi hai
پڑھتے رہو دن رات نصیرؔ اُن کا وظیفہ
ایسا عملِ ردِّ بَلا، کوئی نہیں ہے
Pardhte raho din raat Naseer un ka wazifa
Aisa amal-e-raad-e-bala, koi nahi hai
Share This Naat
Share with friends and family
کونین میں یُوں جلوہ نُما کوئی نہیں ہے
سید نصیرالدیں نصیر