نگارشات میں ہم نے جو پائی عزّتِ نعت
ہماری زیست کا حاصل ہے بس وہ ثروتِ نعت
Nigaaraashat mein hum ne jo paayi izzat-e-naat
Hamaari zeest ka haasil hai bas woh sarwat-e-naat
کوئی بھی لمحہ گزرتا نہیں بغیر اس کے
’’خیال و خواب میں ایسے سمائی رفعتِ نعت‘‘
Koi bhi lamha guzarta nahi baghair is ke
"Khayaal o khwab mein aise samaayi rufat-e-naat"
سنی لحد میں نکیرین نے جو نعت انؐ کی
تو آشکار ہوئی خوب ہم پہ وَقعتِ نعت
Suni lahd mein nakeerein ne jo naat an ki
To aashkaar hui khoob hum pe waqat-e-naat
بفیضِ مدحتِ خوشبوئے گیسوئے آقاؐ
ہر ایک سطرِ ثنا میں ہے پھیلی نکہتِ نعت
Bafaiz-e-madhet-e-khusboo-e-gesu-e-aqa
Har aik satar-e-sana mein hai phaili nikhat-e-naat
ظہورِ حبِ خدا نعت سے نبیؐ کی ہے
کلامِ پاک سے ملتی ہے ہم کو لذّتِ نعت
Zahoor-e-hub-e-khuda naat se nabi ki hai
Kalaam-e-paak se milti hai hum ko lazat-e-naat
عیاں ہیں کون و مکاں میں حضورؐ کے جلوے
انھیؐ کی جلوہ نمائی ہمیں ہے جلوتِ نعت
Ayaan hain kon o makaan mein huzoor ke jalwe
Inhi ki jalwa namaai humein hai jalwat-e-naat
مصارف اور بھی وقتِ حیات کے ہیں مگر
تمام عمر ہوئی اپنی صرفِ خِلقتِ نعت
Masaaref aur bhi waqt-e-hayat ke hain magar
Tamaam umr hui apni sarf-e-khilqat-e-naat
سنوارا حبِ نبیؐ نے ہے مزرعِ قسمت
ہماری زیست کو حاصل ہوئی ہے نزہتِ نعت
Sanwaara hub-e-nabi ne hai mazra-e-qismat
Hamaari zeest ko haasil hui hai nazhat-e-naat
عطا ہے بیٹوں کی طاہرؔ اسی کی برکت سے
ہیں بیٹیاں بھی عنایت بفیضِ رحمتِ نعت
Ata hai beto ki Tahir isi ki barakat se
Hain betiyaan bhi inayat bafaiz-e-rahmat-e-naat
Share This Naat
Share with friends and family
نگارشات میں ہم نے جو پائی عزّتِ نعت
پروفیسر محمد طاہر صدیقی