شانِ خدا بھی آپ ‘ محبوبِ خدا بھی آپ ہیں
تجسیم حق بھی آپ ہیں اور حق نُما بھی آپ ہیں
Shan-e Khuda bhi aap ' mehboob-e Khuda bhi aap hain
Tajseem-e Haq bhi aap hain aur Haq numa bhi aap hain
روزِ ابد تک آپ ہیں سالارِ جیشِ انبیاء
روزِ ازل سے مرشدِ اہلِ صِفا بھی آپ ہیں
Roz-e abad tak aap hain salar-e jaish-e anbiya
Roz-e azal se murshid-e Ahl-e safa bhi aap hain
قدرت کی ہر تخلیق کا ہیں آپ واحد مُدّعا
حسنِ زمیں بھی آپ ہیں نورِ سما بھی آپ ہیں
Qudrat ki har takhleeq ka hain aap wahid mudda
Husn-e zamee bhi aap hain noor-e sama bhi aap hain
اپنے رفیقوں کے لیے پتھر بھی ڈھوئے آپ نے
اور دشمنوں کے حق میں مصروفِ دُعا بھی آپ ہیں
Apne rafeeqoN ke liye patthar bhi dho'e aap ne
Aur dushmanon ke haq mein masroof-e dua bhi aap hain
اِسلام کے حلقے میں جو اوہام کا بیمار ہو
اس کی دوا بھی آپ ہیں اس کی شِفا بھی آپ ہیں
Islam ke halqe mein jo oham ka beemar ho
Us ki dawa bhi aap hain us ki shifa bhi aap hain
ہر دائرہ آواز کا ‘ لفظِ محمدؐ بن گیا
میرے لیے تو قبلہء صوت و صدا بھی آپ ہیں
Har daira aawaz ka ' lafz-e Mohammad (SAW) ban gaya
Mere liye to qibla-e saut o sada bhi aap hain
میں فلسفوں کی دھوپ میں جلتا رہا ہوں عمر بھر
اِن علم کے صحراؤں میں موجِ صبا بھی آپ ہیں
Mein falsafon ki dhoop mein jalta raha hoon umr bhar
In ilm ke sehraoN mein mauj-e saba bhi aap hain
ظلماتِ این و آں میں ہوں ‘ میں کب سے سرگرمِ سفر
اور اس سفر میں ‘ میری منزل کا پتہ بھی آپ ہیں
Zulmat-e ein o aan mein hoon ' mein kab se sargarm-e safar
Aur is safar mein ' meri manzil ka pata bhi aap hain
اس محفلِ عُشّاق کا ہر فرد ثروت مند ہے
ہر شخص کے اپنے ہیں ‘ اور پھر بے بہا بھی آپ ہیں
Is mehfil-e ushaaq ka har fard sarwatmand hai
Har shakhs ke apne hain ' aur phir be baha bhi aap hain
میرا ‘ ندیمؔ‘ ایماں ہے یہ ‘ ایماں کی اک میزاں ہے یہ
بے اِنتہا بھی آپ ‘ لیکن ‘ اِنتہا بھی آپ ہیں
Mera ' Nadeem' eemaan hai yeh ' eemaan ki ek mezaan hai yeh
Be inteha bhi aap ' lekin ' inteha bhi aap hain
Share This Naat
Share with friends and family
شانِ خدا بھی آپ ‘ محبوبِ خدا بھی آپ ہیں
احمد ندیم قاسمی