نازشِ انس و جاں شاہِ والا حشم اے شفیع الامم اے شفیع الامم
آپ کونین میں سب سے ہیں محترم، اے شفیع الامم اے شفیع الامم
Naazish-e-ins o jaan shaah-e-waala hisham ay shafi ul umam ay shafi ul umam
Aap konain mein sab se hain muhtaram, ay shafi ul umam ay shafi ul umam
آپ کی ذات ہے سرورِ سروراں آپ ہیں یا نبیؐ رحمتِ بے کراں
آپ کے زیرِ پا تاجِ جاہ و حشم، اے شفیع الامم، اے شفیع الامم
Aap ki zaat hai sarwar-e-sarwaran aap hain ya Nabi SAW rehmat-e-bay karaan
Aap ke zer-e-paa taaj-e-jaah o hisham, ay shafi ul umam, ay shafi ul umam
غم زدوں کے لبوں پر ہنسی آگئی، ہر رخِ بے کساں پر خوشی چھا گئی
آپ آئے، ہوئے دور رنج و الم، اے شفیع الامم، اے شفیع الامم
Gham zadon ke labon par hansi aa gayi, har ruk-h-e-bay kasan par khushi chha gayi
Aap aaye, hue door ranj o alam, ay shafi ul umam, ay shafi ul umam
نعرۂ حق کی گونجی صدا چار سو، مہرِ وحدت کی پھیلی ضیا چار سو
سرنگوں ہو گئے سب بتانِ حرم، اے شفیع الامم، اے شفیع الامم
Naara-e-haq ki goonji sada chaar soo, mehr-e-wahdat ki phaili zia chaar soo
Sar nigoon ho gaye sab butan-e-haram, ay shafi ul umam, ay shafi ul umam
لہلہانے لگی خشک بنجر زمیں، باغِ طیبہ ہوا رشکِ خلدِ بریں
پڑ گئے آپ کے جب مقدس قدم، اے شفیع الامم ، اے شفیع الامم
Leh-lahane lagi khushk banjr zameen, bagh-e-taiba hua rashk-e-khald-e-bareen
Par gaye aap ke jab muqaddas qadam, ay shafi ul umam, ay shafi ul umam
امنِ عالم کے پیغامبر آگئے، چہرۂ اہلِ تخریب مرجھا گئے
خاک میں مل گئے سب غرورِ ستم اے شفیع الامم ، اے شفیع الامم
Aman-e-aalam ke paighambar aa gaye, chehr-aa-e-ahl-e-takhrib murjha gaye
Khaak mein mil gaye sab gharoor-e-sitam ay shafi ul umam, ay shafi ul umam
صبحِ نو آئی ہر سو اُجالا ہوا، دینِ اسلام کا بول بالا ہوا
پل میں باطل خداؤں کے ٹوٹے بھرم اے شفیع الامم اے شفیع الامم
Subah-e-no aayi har soo ujaala hua, deen-e-Islam ka bol baala hua
Pal mein baatil khudaon ke toote bharam ay shafi ul umam ay shafi ul umam
فکر و فن کو مرے تازگی مل گئی ذہن و احساس کو طرفگی مل گئی
جب سے مصروفِ مدحت ہے میرا قلم، اے شفیع الامم، اے شفیع الامم
Fikr o fun ko maRe taazgi mil gayi zehn o ehsas ko tarfiqi mil gayi
Jab se masroof-e-madhat hai mera qalam, ay shafi ul umam, ay shafi ul umam
لاج احسؔن کی آقاؐ بچا لیجیے، اس کو بخشش کا مژدہ سنا دیجیے
ہیں زیادہ گنہ نیکیاں جب کہ کم، اے شفیع الامم ، اے شفیع الامم
Laaj Ahsan ki aaqa SAW bacha lijiye, is ko bakhshish ka mujda suna dijiye
Hain ziada gunah nekian jab ke kam, ay shafi ul umam, ay shafi ul umam
Share This Naat
Share with friends and family
نازشِ انس و جاں شاہِ والا حشم
احسن اعظمی