عالم نثار جن پر تشریف لا رہے ہیں
یعنی حضورِ انور تشریف لا رہے ہیں
Aalam nisaar jin par tashreef la rahe hain
Yani Huzoor-e-Anwar tashreef la rahe hain
بہرِ درود خوانی ہر دن نئے فرشتے
دربارِ مصطفےٰ پر تشریف لا رہے ہیں
Bahar-e-darood khwani har din naye farishtay
Darbar-e-Mustafa par tashreef la rahe hain
اسریٰ کی شب فلک پر شورِ ملائکہ تھا
عالی مقام سرور تشریف لا رہے ہیں
Isra ki shab falak par shor-e-malaika tha
Aali maqam Sarwar tashreef la rahe hain
سارے رسول تارے لیکن مِرے پیمبر
عظمت کا شمس بن کر تشریف لا رہے ہیں
Saray Rasool tare lekin mire paigambar
Azmat ka shams ban kar tashreef la rahe hain
مکہ سے کرکے ہجرت پھر سر زمینِ مکہ
کس شان سے پیمبر تشریف لا رہے ہیں
Makha se karke hijrat phir sar zameen-e-makka
Kis shaan se paigambar tashreef la rahe hain
آؤ پڑھیں یہاں بھی لاکھوں سلام اُن پر
محشر میں جانِ محشر تشریف لا رہے ہیں
Aao parhain yahan bhi laakhon salam un par
Mahshar mein jaan-e-mahshar tashreef la rahe hain
ہم عاصیوں کی خاطر بن کر شفیقؔ رحمت
وہ عرش سے زمیں پر تشریف لا رہے ہیں
Hum aasion ki khatir ban kar Shafiq Rehmat
Woh Arsh se zameen par tashreef la rahe hain
Share This Naat
Share with friends and family
عالم نثار جن پر تشریف لا رہے ہیں
شفیق ؔ رائے پوری