شجر خوب صورت حجر خوب صورت
مدینے کی ہر رہ گزر خوب صورت
Shajar khoob soorat hajar khoob soorat
Madine ki har reh guzar khoob soorat
مناظر ہیں دیکھو جدھر خوب صورت
ہر اک سمت طیبہ نگر خوب صورت
Manazir hain dekho jidhar khoob soorat
Har aik simt tayyaba nagar khoob soorat
نظر سبز گنبد پہ جب سے پڑی ہے
ہوئی ہے ہماری نظر خوب صورت
Nazar sabz gunbad pe jab se pari hai
Hui hai hamari nazar khoob soorat
مِرے آقا جس وقت تشریف لائے
وہ ساعت حسیں وہ سحر خوب صورت
Mire aaqa jis waqt tashreef laaye
Woh sa'at haseen woh sehar khoob soorat
بسا کر جمالِ نبی دل کے اندر
بنا لیجئے اپنا گھر خوب صورت
Basa kar jamaal-e-nabi dil ke andar
Bana lijiye apna ghar khoob soorat
ثنائے جمالِ نبی کرتے کرتے
ہوا زندگی کا سفر خوب صورت
Sanaaye jamaal-e-nabi karte karte
Hawa zindagi ka safar khoob soorat
تصور میں لانا بھی ممکن نہیں ہے
ہے اتنا وہ خیر البشر خوب صورت
Tassawwur mein laana bhi mumkin nahin hai
Hai itna woh khair ul bashar khoob soorat
لگاتے چلو تم شجر نیکیوں کا
اگر چاہتے ہو ثمر خوب صورت
Lagaate chalo tum shajar nekion ka
Agar chahte ho samar khoob soorat
درِ مصطفےٰ پر جبیں سائی کرکے
ہوئے ہیں یہ شمس و قمر خوب صورت
Dar-e-Mustafa par jabeen sa'i karke
Hue hain yeh shams o qamar khoob soorat
شفیقؔ آپ کو لے کے جائے گا جنت
ثنائے نبی کا ہنر خوب صورت
Shafiq aap ko le ke jaayega jannat
Sanaaye nabi ka hunar khoob soorat
Share This Naat
Share with friends and family
شجر خوب صورت حجر خوب صورت
شفیق ؔ رائے پوری