غماں نے بولیا آکے ہے دھاوا یا رسول اللہ
میرا دل ہو گیا رو رو کے پھاوا یا رسول اللہ
Ghaman ne bola aake hai dhawa ya Rasool Allah
Mera dil ho gaya ro ro ke phawa ya Rasool Allah
چلے چلے ہاں روندے تڑفدے دربار تیرے چوں
کدوں ہووے گا ہن مُڑ کے بُلاوا یا رسول اللہ
Chale chale haan ronde tardfe darbar tere cho
Kadun howega han mudr ke bulawa ya Rasool Allah
کدوں مُکے گی کالی رات ہن مُڑ کے جدائیاں دی
کدوں ویکھاں گے مُڑ گنبد ایہہ ساوا یا رسول اللہ
Kadun muke gi kali raat han mudr ke judaian di
Kadun wekhange mudr gunbad eh sawa ya Rasool Allah
سلام الوداعی کہندیاں پھٹ دا اے دل میرا
سنبھالاں کس طراں ہنجواں دا لاوا یا رسول اللہ
Salam alwadai kehndian phat da ae dil mera
Sanbhalan kis taran hanjwan da lawa ya Rasool Allah
تیرے بردے ملگ حُوراں تیرے عاشق نبی سارے
کراں کیویں غُلامی دا میں دعوی یا رسول اللہ
Tere burde milig huran tere aashiq Nabi sare
Karan kiwen ghulami da mein dawa ya Rasool Allah
تری امت دا اک مجرم وی دوزخ وچہ نئیں رہ سکناں
تیری رحمت نے جد بھریا کلاوه یا رسول الله
Teri umat da ik mujrim vi dozakh wich naai reh sakna
Teri rehmat ne jad bharya kalawa ya Rasool Allah
سُنے گا کون دُکھ صائم دے تیرے باہجھ محبوبا
کرے گا کون بن تیرے مداوا یا رسول الله
Sune ga kaun dukh Sa'im de tere bajh mehbooba
Kare ga kaun ban tere madawa ya Rasool Allah
Share This Naat
Share with friends and family
غماں نے بولیا آکے ہے دھاوا یا رسول اللہ
علامہ صائم چشتی