دیارِ طیبہ میں کچھ مسافر کرم کی لے کر ہوس گئے ہیں
دکھا دو جلوہ ہٹا کے پردہ ہمارے نیناں ترس گئے ہیں
Diyar-e-Taiba mein kuch musafir karam ki le kar hawas gaye hain
Dikha do jalwa hata ke parda hamare naina taras gaye hain
ہمیں بھی دو بوند ہوں عنایت ہمارا دامن بھی منتظر ہے
تری عطا کے، ترے کرم کے مطیر بادل برس گئے ہیں
Humein bhi do boond hoon inayat hamara daaman bhi muntazir hai
Teri ata ke, tere karam ke mateer badal baras gaye hain
کوئی بھی دل کش حسین منظر نظر میں جچتا نہیں ہماری
درِ نبی کے حسیں نظارے ہماری آنکھوں میں بس گئے ہیں
Koi bhi dilkash haseen manzar nazar mein jachta nahin hamari
Dar-e-Nabi ke haseen nazare hamari aankhon mein bas gaye hain
ترے ثناءگو کا ایک اک پل حضوریوں میں گزر رہا ہے
ذرا توجہ ہٹی تھی میری تو ناگ فرقت کے ڈس گئے ہیں
Tere sana go ka ek ek pal huzooriyon mein guzar raha hai
Zara tawajjo hatti thi meri to naag firqat ke das gaye hain
پرندے فکر و خیال والے سدا رہیں گے اسیر تیرے
ملا نہیں اذنِ باریابی پلٹ کے سوئے قفس گئے ہیں
Parinde fikr o khayal wale sada rahenge aseer tere
Mila nahin izn-e-bariabi palat ke soye qafas gaye hain
ہو نقشِ پا پر یہ جان قرباں ہو نعلِ پا پر جہان قرباں
سنا کے مژدہ شفاعتوں کا جو گھول کانوں میں رس گئے ہیں
Ho naqsh-e-pa par yeh jaan qurban ho naal-e-pa par jahan qurban
Suna ke mujda shafaaton ka jo ghol kanon mein ras gaye hain
رواں تھا اشفاقؔ بحر رحمت کرم کی موجیں عروج پر تھیں
مرے گناہوں کے بھاری پتھر مثالِ خاشاک و خس گئے ہیں
Rawa tha Ashfaq Bahr-e-Rehmat karam ki mowjain urooj par theen
Mere gunahon ke bhaari pathar misaal-e-khashak o khas gaye hain
Share This Naat
Share with friends and family
دیارِ طیبہ میں کچھ مسافر کرم کی لے کر ہوس گئے ہیں
اشفاق احمد غوری