ملا جس کی نسبتوں سے یہ عروج آگہی کو
اسی در کی آرزو ہے مرے ذوق ِ بندگی کو
Mila jis ki nisbaton se ye urooj aagahi ko
Isi dar ki aarzu hai mere zoq-e-bandagi ko
مرا دین اور دنیا نو الگ الگ نہیں ہیں
میں سمجھ رہا ہوں سب کچھ ترے در کی حا ضری کو
Mera deen aur duniya no alag alag nahin hain
Main samajh raha hoon sab kuch tere dar ki haazri ko
میرے آنسوؤں کی قیمت نہ سمجھ سکے گی دنیا
مجھے کیا دیا ہے تو نے یہ بتاؤں کیوں کسی کو
Mere aansuon ki qeemat na samajh sake gi duniya
Mujhe kya diya hai tu ne ye bataoon kyun kisi ko
وہ کریم جس کا دامن ہے عدو پہ بھی کشادہ
میں خراب ہوں تو کیا ہے مری لاج ہے اسی کو
Wo kareem jis ka daaman hai adoo pe bhi kshada
Main kharab hoon to kya hai meri laaj hai isi ko
ترا غم مسرتوں کا ہے ابد قرار ضامن
شب و رو ز مل رہا ہے نیا حسن زندگی کو
Tera gham musarraton ka hai abad qaraar zaamin
Shab o roz mil raha hai naya husn zindagi ko
کوئی نامراد ہو کر ترے آستاں سے جائے
نہ ہوا کبھی گوارا تری بندہ پروری کو
Koi naamuraad ho kar tere aastan se jaye
Na hua kabhi gawara teri banda parwari ko
اے ازل ابد کے ساقی ابھی کچھ کمی ہے باقی
وہ نظر اٹھا جو بھر دے میرے غمِ تشنگی کو
Ae azal abad ke saaqi abhi kuch kami hai baqi
Wo nazar utha jo bhar de mere gham-e-tashnagi ko
وہ شعور چاہتا ہوں وہ نگاہ چاہتا ہوں
تری روشنی سمجھ لے جو ہر اک روشنی کو
Wo shuoor chahta hoon wo nigah chahta hoon
Teri roshni samajh le jo har ek roshni ko
وہ خدا نعتِ سرورؐ سے بُہت ہی خوش ہے خالدؔ
وہ نکھارتا رہے گا مرے حُسنِ شاعری کو
Wo Khuda naat-e-sarwar se buhat hi khush hai Khalid
Wo nikhaarta rahe ga mere husn-e-shaeri ko
Share This Naat
Share with friends and family
ملا جس کی نسبتوں سے یہ عروج آگہی کو
خالد محمود خالد