جہڑے دل تھیں اک نوں من لیندے اوہ بھار دوئی دا چکدے نئیں
ساہ مک دے مکدے مک جاندے غیراندے نیڑے ڈھکدے نئیں
Jeday dil thin ikk noon man leinday oh bhar doyi da chakdaynein
Saah muk day mukday muk janday ghairanday nidayre dhakday naeen
جہڑے من والے ولیاں دے جبڑے عاشق یار دی گلیاں دے
اوہ چھڈ کے یار دے قدماں نوں شاہاں دے تخت تے تھکدے نئیں
Jeday man walay waliyanday jabray aashiq yaar di galiyanday
Oh chhad kay yaar dey qadmaan noon shaahan dey takhat tay thakday naeen
آسان دا باغ سجائی جا ہنجواں دا پانی پائی جا
کھوہ گڑدا رئے جے اکھیاں دا پھیر پیار دے بوٹے سکدے نئیں
Aasaan da baagh sajaai ja hanjwaan da paani paai jaa
Khoh garday ray jay akhiyaan da phair pyaar de bootay sakday naeen
کجھ آکھو نہ دیوانیاں نوں جتھے بیٹھے بیٹھے رہن دیو
جہڑے غیرت مند دیوانے نے در در تے جا کے جھکدے نئیں
Kujh aakho na deewaaniyaan noon jithay baithay baithay rehan deo
Jeday ghairat mand deewanay nay dar dar tay ja kay jhukday naeen
بھاویں ڈکناں پوے طوفاناں نوں بھانویں توڑنا پوے چٹاناں نوں
مرشد دی دید دے متوالے را ہاں وچہ کدھرے رک دے نئیں
Bhaaven daknaan poay toofanaan noon bhaanven toadna poay chatanaan noon
Murshid di deed de matwaalay raahan wichay kidharay ruk day naeen
چھڈ جھگڑے زیراں زبراں دے ڈر لہہ جاون کے قبراں دے
کھا تیر نیازی نظراں دے نظراں دے نشانے اُک دے نئیں
Chhad jhagray zairaan zabaraan de dar leh jaavan kay qabrann de
Kha teer Niazi nazraan de nazraan de nishaane uk day naeen
Share This Naat
Share with friends and family
جہڑے دل تھیں اک نوں من لیندے اوہ بھار دوئی دا چکدے نئیں
عبدالستار نیازی