پہنچوں مدینے کاش!میں اِس بے خودی کے ساتھ
روتا پھروں گلی گلی دیوانگی کے ساتھ
pohunchon Madine kaash! mein is bekhudi ke saath
rota phirun gali gali deewangi ke saath
آتے ہیں مجھ کو یاد وہ لمحاتِ خوشگوار
گزرے تھے طیبہ میں جو کبھی مُرشِدی کے ساتھ
aate hain mujh ko yaad woh lamhaat-e-khushgwaar
guzray thay Taiba mein jo kabhi murshidi ke saath
جوں ہی نگاہ گنبدِ خَضرا کو چوم لے
قربان میری جان ہو خود رَفتگی کے ساتھ
yon hi nigah gunbad-e-khazra ko choom le
qurbaan meri jaan ho khud raftagi ke saath
مجھ کو بقیعِ پاک میں دوگز زمیں ملے
یارب!دعا ہے تجھ سے مِری عاجِزی کے ساتھ
mujh ko baqi'a-e-paak mein do gaz zameen mile
ya rab! dua hai tujh se meri aajizi ke saath
اللہ! میرا حَشر ہو بُوبکر اور عمر
عثماں غنی و حضرتِ مولیٰ علی کے ساتھ
Allah! mera hashr ho Boobakr aur Umar
Usman Ghani aur Hazrat-e-Moula Ali ke saath
پلٹے گا پاک ہو کے درِ مصطَفٰے سے وہ
پہنچے گا جو گناہوں کی آلودَگی کے ساتھ
palte ga paak ho ke dar-e-Mustafa se woh
pohanche ga jo gunaahon ki aloodgi ke saath
ہر اِک گناہ گار پکارے گا حَشْر میں
آقا کو اشکبار بڑی بے بسی کے ساتھ
har ik gunaah gaar pukaray ga hashr mein
aqa ko ashkbaar badi bebasi ke saath
مَحْشر میں مجھ کو جُوں ہی نظر آئیں گے حُضُور
قدموں میں لوٹ جاؤں گا وارفتگی کے ساتھ
mahashar mein mujh ko yon hi nazar aayenge huzoor
qadmon mein loot jaon ga warfatgi ke saath
یارب! ترے کرم سے جگہ خُلد میں ملے
مجھ کو رسولِ پاک کی ہمسایگی کے ساتھ
ya rab! tere karam se jagah khuld mein mile
mujh ko Rasool-e-Paak ki hamsaygi ke saath
وہ یارِ غار بھی ہیں تو یارِ مزار بھی
بُوبکر آج بھی تو ہیں ہر دم نبی کے ساتھ
woh yaar-e-ghaar bhi hain to yaar-e-mazaar bhi
Boobakr aaj bhi to hain har dum Nabi ke saath
روٹی بھی جَوکی اور بِچھونا چَٹائی کا
کرتے گزر بسر وہ بڑی سادَگی کے ساتھ
roti bhi joki aur bichona chattai ka
karte guzarbarsar woh bari sa'adgi ke saath
فیضانِ غوثِ پاک بِلارَیب سب کے سب
عطّاریوں کے ساتھ ہے ہر قادِری کے ساتھ
faizan-e-Ghous-e-Paak bila raib sab ke sab
Attariyon ke saath hai har Qadri ke saath
ایسا کرم ہو نیکیوں میں دِل لگا کرے
پڑھتا ہوں گر نَماز بھی تو بے دِلی کے ساتھ
aisa karam ho nekion mein dil laga kare
pardhta hoon gar namaz bhi to be-dili ke saath
اے ذُوالْجلال تجھ سے مِرے دو سُوال ہیں
طیبہ میں موت، زندگی گزرے خوشی کے ساتھ
ay Zuljalal tujh se mere do suwal hain
Taiba mein maut, zindagi guzray khushi ke saath
اِک بار مسکرا کے مجھے دیکھ لیجئے
دم توڑ دوں گا قدموں میں وارفتگی کے ساتھ
ik baar muskra ke mujhe dekh lijiye
dam toor doon ga qadmon mein warfatgi ke saath
مایوس کیوں ہو عاصِیو! تم حوصَلہ رکھو
رَب کی عطا سے انکا کرم ہے سبھی کے ساتھ
mayoos kyun ho aasi'o! tum hosla rakho
Rab ki ata se unka karam hai sabhi ke saath
خطبہ، اذاں ، نَماز، عبادت کوئی سی ہو
ذکرِ نبی ضَرور ہے ہر بندگی کے ساتھ
khutba, azaan, namaz, ibadat koi si ho
zikr-e-Nabi zaroor hai har bandagi ke saath
تم مَدنی قافِلوں میں اے اسلامی بھائیو!
کرتے رہو ہمیشہ سفر خوشدِلی کے ساتھ
tum madni qafilon mein ay Islami bhaiyo!
karte raho hamesha safar khushdili ke saath
اپنائے جو سدا کیلئے ’’سنّتِ نبوی‘‘
میری دعا ہے خُلد میں جائے نبی کے ساتھ
apnaye jo sada ke liye ''Sunnat-e-Nabawi''
meri dua hai khuld mein jaye Nabi ke saath
اسلامی بھائی، ’’دعوتِ اِسلامی‘‘ کا سدا
تم مَدنی کام کرتے رہو تَندَہی کے ساتھ
Islami bhai, ''Dawat-e-Islami'' ka sada
tum madni kaam karte raho tandahi ke saath
سرکار حاضِری ہو مدینے کی بار بار
عطارؔؔ کی ہے عرض بڑی عاجِزی کے ساتھ
sarkar hazri ho Madine ki baar baar
Attar ki hai arz badi aajizi ke saath
Share This Naat
Share with friends and family
پہنچوں مدینے کاش!میں اِس بے خودی کے ساتھ
الیاس عطار قادری