بہت دیر کی دِل نے وا ہوتے ہوتے
سلامِ عقیدت ادا ہوتے ہوتے
Bohat der ki dil ne wa hote hote
Salam-e-aqeeda ada hote hote
مری عمر بیتی زمانے لگے ہیں
تری ذات سے آشنا ہوتے ہوتے
Meri umar beeti zamane lage hain
Teri zaat se aashna hote hote
ترے سبز گنبد کا منظر عجب تھا
نظر رو پڑی تھی جُدا ہوتے ہوتے
Tere sabz gunbad ka manzar ajab tha
Nazar ro pari thi juda hote hote
ادب نے اجازت نہ دی بولنے کی
زباں رہ گئی لب کُشا ہوتے ہوتے
Adab ne ijaazat na di bolne ki
Zubaan reh gayi lab kusha hote hote
بہت دیر کی ہے دلِ ناسمجھ نے
ترے عشق میں مبتلا ہوتے ہوتے
Bohat der ki hai dil-e-nasamajh ne
Tere ishq mein mubtala hote hote
ابھی سے ہی گھبرا گئے ہو تم انجؔم
ارے ہوتی ہے ابتدا ہوتے ہوتے
Abhi se hi ghabra gaye ho tum Anjum
Aray hoti hai ibtida hote hote
Share This Naat
Share with friends and family
بہت دیر کی دِل نے وا ہوتے ہوتے
انجم نیازی