میرے ہر لفظ کی ، ہر حرف کی تحسین ہوئی
نعت لکھی تو مری رُوح کو تسکین ہوئی
Mere har lafz ki, har harf ki tahseen hui
Naat likhi to meri rooh ko taskeen hui
تیراؐ ہر لفظ ہے محبوب رسولِ اکرمؐ
تیریؐ ہر بات شریعت ہوئی آئین ہوئی
Tera har lafz hai Mehboob Rasool e Akram
Teri har baat shariat hui aa'een hui
آپؐ کے دم سے چمن زارِ محبت مہکا
آپؐ کے واسطے کونین کی تزئین ہوئی
Aap ke dam se chaman zaar e mohabbat mehka
Aap ke wastay konain ki tazeen hui
نعتِ محبوبِ خداؐ میں ہے نزولِ قرآں
آپؐ کی شان میں ٰطہٰ ہوئی یٰسین ہوئی
Naat e Mehboob e Khuda me hai nazool e Quran
Aap ki shan me Ta Ha hui Ya Seen hui
نوکری مل گئی توصیفِ نبیؐ کی مجھ کو
نوکری وہ جو تمنائے سلاطین ہوئی
Naukri mil gayi tauseef e Nabi ki mujh ko
Naukri woh jo tamannaye salateen hui
کیوں نہ اشفاقؔ ہو شیدائے رسولِ اکرمؐ
ہر ادا اس کے لئے باعثِ تسکین ہوئی
Kyun na Ashfaq ho sheeda e Rasool e Akram
Har ada us ke liye baais e taskeen hui
Share This Naat
Share with friends and family
میرے ہر لفظ کی ، ہر حرف کی تحسین ہوئی
اشفاق احمد غوری