تمہارا کرم یاحبیبِ خدا ہے
مدینے کی جانب چلا قافِلہ ہے
Tumhara karam ya habib-e-Khuda hai
Madine ki janib chala qafila hai
میں راہِ مدینہ کے قُربان جاؤں
کہ اِس میں سُرور اور مزہ ہی مزہ ہے
Main rah-e-Madina ke qurban jaon
Ke is mein suroor aur maza hi maza hai
مدینے میں ’’قفلِ مدینہ‘‘ لگاؤں
کرم آپ کیجے ارادہ مِرا ہے
Madine mein "qafl-e-Madina" lagaon
Karam aap kijeye irada mera hai
عبادت سے خالی ہے اعمالنامہ
سِوا آنسوؤں کے مرے پاس کیا ہے
Ibadat se khaali hai aamal nama
Siwa aansuon ke mere paas kya hai
نہ کیوں تم پہ اِترائے مجرِم تمہارا
یہاں تو عَدو بھی اماں پا رہا ہے
Na kyon tum pe itraey mujrim tumhara
Yahan to adu bhi amaan pa raha hai
نہیں جانتا یہ مدینے کے آداب
یہ تیرا ہے تیرا بھلا یا بُرا ہے
Nahi janta yeh Madine ke aadaab
Yeh tera hai tera bhala ya bura hai
مجھے دیجئے اشکبار آنکھ آقا
یہ دل سخت، پتّھر سے بھی ہو گیا ہے
Mujhe dijiye ashkbar aankh Aaqa
Yeh dil sakht, patthar se bhi ho gaya hai
پِلا دے چھلکتا ہوا جامِ الفت
نظر تیری جانب لگی ساقیا ہے
Pila de chhalakta hua jaam-e-ulfat
Nazar teri janib lagi saqiya hai
مدد کیلئے ناخدا آئیے اب
سفینہ ہمارا بھَنور میں پھنسا ہے
Madad ke liye nukhuda aaiye ab
Safina hamara bhanwar mein phansa hai
شہا قافِلے کے سبھی زائروں نے
مرے ساتھ عہدِوفا کرلیا ہے
Shaha qafila ke sabhi zaairon ne
Mere sath ahd-e-wafa kar liya hai
تمہیں لاج عہدِ وفا کی رکھو گے
کہ ابلیسِ مردود پیچھے لگا ہے
Tumhein laaj ahd-e-wafa ki rakho ge
Ke iblees-e-mardood peechay laga hai
شفَاعت کی خیرات لینے کو عطارؔ
لئے قافِلہ عنقریب آ رہا ہے
Shafaat ki khairat lene ko Attar
Liye qafila anqareeb aa raha hai
Share This Naat
Share with friends and family
تمہارا کرم یاحبیبِ خدا ہے
الیاس عطار قادری