راحتیں ہوں نہ میسّر تری مدحت کے بغیر
عزتیں کس کو ملی ہیں تری نسبت کے بغیر
Rahatein hon na mayassar teri mad'hat ke baghair
Izzatein kis ko mili hain teri nisbat ke baghair
یہ بھرم سارے ترے نام نے رکھے ورنہ
دو قدم چل نہیں سکتے تری شفقت کے بغیر
Yeh bharam saare tere naam ne rakhe warna
Do qadam chal nahi sakte teri shafqat ke baghair
جو بھی آئے درِ آقاؐ پہ سوالی بن کر
جھولیاں بھر کے وہ لوٹے ہیں ندامت کے بغیر
Jo bhi aaye dar-e-aqa(a.s) pe sawaali ban kar
Jholiyan bhar ke woh lote hain nadamat ke baghair
نطقِ سرکارؐ پہ عالم کی فصاحت واری
ایک بھی لفظ نہیں دانش و حکمت کے بغیر
Nutq-e-sarkar(a.s) pe aalam ki fasahat waari
Ek bhi lafz nahi danish o hikmat ke baghair
دعویِٰ قربِ خدا کر نہیں سکتا کوئی
تیری چاہت کے بنا تیری اطاعت کے بغیر
Da’wa-e-qurb-e-khuda kar nahi sakta koi
Teri chahat ke bina teri ita'at ke baghair
اہلِ دُنیا ہی نہیں نبیوں رسولوں نے کہا
بزم سجتی نہیں آقاؐ کی امامت کے بغیر
Ahl-e-duniya hi nahi nabiyon rusulon ne kaha
Bazm sajti nahi aqa(a.s) ki imaamat ke baghair
حق نے محبوب کو وہ شان وہ عزت بخشی
غیر ممکن ہے نجات اُنکی شفاعت کے بغیر
Haq ne mehboob ko woh shaan woh izzat bakhshi
Ghair mumkin hai najat unki shafa'at ke baghair
یاد رکھ سیرتِ اطہر کا یہ پہلو بھی شکیلؔ
اوج ملتا ہی نہیں محنت و ہمت کے بغیر
Yaad rakh seerat-e-athar ka yeh pehlu bhi Shakeel
Auj milta hi nahi mehnat o himmat ke baghair
Share This Naat
Share with friends and family
راحتیں ہوں نہ میسّر تری مدحت کے بغیر
محمد شکیل نقشبندی