ہمارا دن ہے منور تو رات روشن ہے
چراغِ عشقِ نبی سے حیات روشن ہے
Hamara din hai munawwar to raat roshan hai
Charagh-e-ishq-e-Nabi se hayat roshan hai
قضا کے بعد بھی شمعِ حیات روشن ہے
نبی کے چاہنے والوں کی ذات روشن ہے
Qaza ke baad bhi shama-e-hayat roshan hai
Nabi ke chahne walon ki zaat roshan hai
جمالِ رخ کی ضیاؤں سے ہے منور دن
نبی کی زلف ِ معنبر سے رات روشن ہے
Jamal-e-rukh ki ziyaon se hai munawwar din
Nabi ki zulf-e-mu'ambar se raat roshan hai
نبی کے عشق میں گزری ہے جس کسی کی بھی
حیات اُس کی فروزاں ممات روشن ہے
Nabi ke ishq mein guzri hai jis kisi ki bhi
Hayat us ki farozan, mamaat roshan hai
وہ حیرتوں کے سمندر میں غرق رہتے ہیں
وہ جن پہ رحمتِ عالم کی ذات روشن ہے
Wo hairaton ke samandar mein gharq rehtay hain
Wo jin pe rehmat-e-aalam ki zaat roshan hai
اُٹھا کے دیکھ لو مشکواۃ ، تِرمذی ، مسلم
ہر ایک پہلو سے اُن کی حیات روشن ہے
Utha ke dekh lo Mashkwat, Tirmizi, Muslim
Har aik pehlu se un ki hayat roshan hai
وہ دیکھ جل اُٹھی شمعِ شفاعتِ آقا
نہ ڈر شفیقؔ تو راہِ نجات روشن ہے
Wo dekh jal uthi shama-e-shafa'at-e-aqa
Na dar Shafiq, to raah-e-najat roshan hai
Share This Naat
Share with friends and family
ہمارا دن ہے منور تو رات روشن ہے
شفیق ؔ رائے پوری