جب حُسن تھا اُن کا جلوہ نما انوار کا عَالم کیا ہوگا
ہر کوئی فِدا ہے بِن دیکھے دیدار کا عَالم کیا ہوگا
Jab husn tha unka jalwa numa anwaar ka aalam kya hoga
Har koi fida hai bin dekhe deedaar ka aalam kya hoga
جس وقت تھے خدمت میں ان کی بو بکر و عمر، عثمان و علی
اُس وقت رسُولِ اکرم ؐ کے دَربار کا عَالم کیا ہوگا
Jis waqt the khidmat mein un ki Bu Bakr o Umar, Usman o Ali
Us waqt Rasool-e-Akram (SAW) ke darbaar ka aalam kya hoga
چاہیں تو اشاروں سے اپنے کایا ہی پلٹ دیں دُنیا کی
یہ شان ہے خدمت گاروں کی سردارؐ کا عالم کیا ہوگا
Chahen to isharon se apne kaya hi palat dein duniya ki
Ye shaan hai khidmat garon ki Sardar(SAW) ka aalam kya hoga
جب شمع رسالت روشن ہو کیوں کر نہ جلے پروا نہ دل
جب رشکِ مسیحا آجائیں بیمَار کا عالم کیا ہوگا
Jab shama-e-risalat roshan ho kyun kar na jale parwa na dil
Jab rashk-e-Maseeha aajayein bemaar ka aalam kya hoga
معراج کی شب حق سے ملنے وہ عرشِ معلّٰے پر پہنچے
رفتار کا عالم کیا ہو گا گفتار کا عالم کیا ہوگا
M'iraaj ki shab Haq se milne wo arsh-e-mu'alla par pohnche
Raftaar ka aalam kya hoga guftaar ka aalam kya hoga
اللہ و غنی سبحان اللہ کیا خوب ہے روضے کا نقشہ
محرابِ حرم کا ‘ جالی کا‘ مینار کا عالم کیا ہوگا
Allah o Ghani Subhan Allah kya khoob hai rozy ka naqsha
Mihrab-e-haram ka, jali ka, minar ka aalam kya hoga
کہتے ہیں عرب کے ذرّوں پر انوار کی بارش ہوتی ہے
اے نجم نہ جانے طیبہ کی گلزار کا عالم کیا ہوگا
Kehte hain Arab ke zarron par anwaar ki barish hoti hai
Ae Najm na jane Tayba ki gulzaar ka aalam kya hoga
Share This Naat
Share with friends and family
جب حُسن تھا اُن کا جلوہ نما انوار کا عَالم کیا ہوگا
نجم نعمانی