نَسَباً آپ ہیں اَنفَس، اے زَکِیّ و اَنفَس !
حَسَباً آپ ہیں اَقدَس، اے زَکِیّ و اَنفَس !
nasaban aap hain anfas, ae zakiyy o anfas!
hasaban aap hain aqdas, ae zakiyy o anfas!
اصلِ مَسجودِ مَلَک ! تیری طرف ساجد ہیں
کعبہ و بیتِ مقدَّس ،اے زَکِیّ و اَنفَس !
asl-e masjood-e malak! teri taraf sajid hain
kaaba o bait-e muqaddas, ae zakiyy o anfas!
عرصۂِ نَافیِٔ عِرفانِ اَقارب میں بھی
آپ ہی ہیں کسِ بے کس، اے زَکِیّ و اَنفَس !
arsah-e nafia-e irfan-e aqarib mein bhi
aap hi hain kis-e bay kas, ae zakiyy o anfas!
مَطلعِ نورِ خدا ، حیدر و زَہرا ، حسنین
خوب ہے نَظمِ مُخَمَّس، اے زَکِیّ و اَنفَس !
matla-e noor-e Khuda, haidar o zahra, hasnain
khoob hai nazm-e mukhammis, ae zakiyy o anfas!
تِرا ناِعت مِرا گفتہ ، مِری دھڑکن دھڑکن
تِری ذاکر مِری نَس نَس، اے زَکِیّ و اَنفَس
tira na'it mira gufta, meri dharkan dharkan
teri zakir meri nas nas, ae zakiyy o anfas
کعبہ و عرش سے وہ خاک بھی اَفضل ٹھہری
جو تِرے جسم سے ہے مَس، اے زَکِیّ و اَنفَس !
kaaba o arsh se wo khaak bhi afzal thehri
jo tere jism se hai mas, ae zakiyy o anfas!
تیغِ لب جو نہ چلائے تِرے اَعدا کے خلاف
وہی شیطان ہے اَخرَس، اے زَکِیّ و اَنفَس
tegh-e lab jo na chalae tere a'da ke khilaf
wohi shaitan hai akhras, ae zakiyy o anfas
شہد ہو ، قند کہ مصری کہ ہو چینی سب میں
تیرے لہجے کا گُھلا رَس ،اے زَکِیّ و اَنفَس
shahd ho, qand keh misri keh ho cheeni sab mein
tere lehje ka ghula ras, ae zakiyy o anfas
ہیں سبھی لفظ تِرے گِرد بَہ اِحرامِ ثنا
ہوں مُعَرّب کہ مُفَرَّس ،اے زَکِیّ و اَنفَس
hain sabhi lafz tere gird bah ehraam-e sana
hon mu'arrab keh mufarras, ae zakiyy o anfas
ہے ترا دستِ یَدُ اللّٰہ سرِ اہلِ طلب
ہے تِرا بس بسِ بے بس، اے زَکِیّ و اَنفَس
hai tera dast-e yadullah sar-e ahl-e talab
hai tera bas bas-e be bas, ae zakiyy o anfas
بھیج فاروق سا گلزار گرِ دشت کہ اب
ہاتھ بندر کے ہے ماچس ، اے زَکِیّ و اَنفَس
bhej farooq sa gulzar gir-e dasht keh ab
haath bandar ke hai matchis, ae zakiyy o anfas
تیری نسبت سے معظمؔ ہے ترا رشکِ چمن
ورنہ اس سے ہیں بَھلے خَس، اے زکیّ و انفس
teri nisbat se mo'azzam hai tera rashk-e chaman
warna is se hain bhale khas, ae zakiyy o anfas
Share This Naat
Share with friends and family
نَسَباً آپ ہیں اَنفَس، اے زَکِیّ و اَنفَس !
معظم سدا معظم مدنی